پوتین: اوچاق «پاتریوت» هاوا ساوونما سیستمی ایله وورولوب

روسیه جمهورباشقانی ولادیمیر پوتین ایچینده 74 نفر او جومله‌دن 65 اوکراینلی توتوقلو اولان روسیه اوچاغینین آمریکانین پاتریوت هاوا ساوونما سیستمی طرفیندن وورولدوغونو بیلدیریب.

مارس آییندا کئچیریله‌جک جمهورباشقانی سئچکیلرینده موستقیل آدای اولان ولادیمیر پوتین، پایتاخت مسکوداکی «قوستینی دوور» بیناسیندا سئچکیلرده‌کی صلاحیتلی نوماینده‌لرله گؤروشوب.

بورادا چیخیش ائدن پوتین کئچن هفته بلگورود ویلایتینده 65 نفری اوکراینالی توتوقلو اولماقلا 74 نفرین اولدوغو روسیه‌نین «ایل-76» تیپلی اوچاغینین وورولماسینا توخوناراق: "اوچاق آمریکانین پاتریوت هاوا ساوونما سیستمی طرفیندن وورولوب. بو، مطلق آشکارلانیب. اوچاغی ووران راکت اوکراین دؤولتی نظارتینده اولان اراضیدن بوراخیلیب" دئدی.

اوکراینین اوچاغی وورماقلا «جینایت» ایشلدیگینی وورغولایان پوتین، غربین بو حادثه‌نی «اؤرت-باسدیر ائتمه‌یه» چالیشدیغینی و حادثه‌ ایله باغلی اولوسلارآراسی آراشدیرما آپاریلمالی اولدوغونو وورغولاییب.