ماکرونون ایشتیراکی ایله هیندیستاندا «جمهورییت گونو» قوتلاماسی

فرانسه پرزیدنتی امانوئل ماکرونون ایشتیراکی ایله هیندیستاندا «جمهورییت گونو» قوتلاندی.

هیندیستانین پایتختی یئنی دهلیده جمهورییت گونونون 75-جی ایل‌دؤنومونو اؤلکنین مدنی موختلیفلی‌یینی و ساواش گوجونو نوماییش ائتدیرن تدبیرلرله مراسیم کئچیریلدی.

پایتختده کئچیریلن گئچیت مراسیمینین باش قوناغی فرانسه پرزیدنتی ماکرون اولدو.

ماکرون مراسیمدن اوول ایکس سوسیال مئدیا حسابیندا هیندیستانین باش ناظیری نارندرا مودی ایله «سلفی» پایلاشیب.

امانوئل ماکرون اؤز پایلاشیمیندا "عزیز دوستوم نارندرا مودی، هیندیستان خالقی، جمهورییت گونو موناسیبتیله سیزه ان خوش آرزولاریمی چاتدیریرام. سیزینله اولماقدان خوشبختم و قورور دویورام. گلین قوتلایاخ!" دئدی.

ماکرون هیندیستاندان 30 مین اؤگرنجینی فرانسهایا تحصیل آلماغا دعوت ائتدیگینی آچیقلاییب، "2030 ایلینده فرانسادا 30،000 هیندیستانلی اؤگرنجی. بو چوخ ایددعالی بیر هدفدیر، لاکین من گرچک قیلماقدا قرارلییام." دئدی.