کارتل عضولری، پلیس ایله چاتیشدی
لوس کازادورس چتهسینین عضولری، توتوقلانان کارتل تتیکچیسی جسوس هامبرتونون اوغلو کارلوس هامبرتونو قورتارماق اوچون گۆونلیک گوجلرینه آتیش ائتدی
مکزیکین سونورا ایالتینده، توتوقلانان بیر نفری قورتارماغا گیریشن کارتل عضولری و پلیس آراسیندا چیخان چاتیشمادا ۱۲ نفر اؤلدو.
مکزیکین قوزئییندهکی سونورا ایالتینین مرکزی هرموسیلودا بیر جادهده گۆونلیک گوجلری و کارتل عضولری آراسیندا چاتیشما چیخدی.
سینالوا کارتلینه باغلی لوس کازادورس چتهسینین عضولری، توتوقلانان کارتل تتیکچیسی (آدام اؤلدورنی) جسوس هامبرتونون اوغلو کارلوس هامبرتونو قورتارماق اوچون گۆونلیک گوجلرینه آتیش ائتدی.
سونورا ایالت ساوچیلیغی طرفیندن وئریلهن آچیقلامادا، گۆونلیک گوجلری و چته آراسیندا چیخان چاتیشمادا ۱۲ کارتل عضوونون اؤلدوگو، ۲ گۆونلیک گۆجونون ایسه یارالاندیغی ایفاده ائدیلدی.
خستهخانایا قالدیریلان گۆونلیک گۆجلرینین وضعیتینین ثابت اولدوغو بیلدیریلن آچیقلامادا، چاتیشمادا یارالانان ان آز ۷ کارتل عضوونون حادثه یئریندن قاچماغی باجاردیغی ایفاده ائدیلدی.
چاتیشمانین آردیندان گۆونلیک گۆجلری کارتله عاید ۲۱ آغیر سلاح، مهمات، گولـله گئچیرمز جیلیققا و ۶ آراج اله گئچردی.