آجلیق طریقتینده اؤلو ساییسی ۴۰۳ نفره یوکسلدی

کنیادا، "آجلیق طریقتی" سوروشدورماسی چرچیوه‌سینده تاپیلان جسد ساییسی ۴۰۳ نفره یوکسلدی.
بؤلگه کمیسری رهودا اونیانچا، کیلیفی محل خسته‌خاناسیندا مطبوعاتا وئردیگی آچیقلامادا، مزار آختارما ایشلرین‌ده یئنی جسدلر تاپدیقلارینی ایفاده ائتدی.
اونیانچا، معین ائدیله‌ن جسد ساییسینین ۴۰۳ نفره چیخدیغی بیلگیسینی پایلاشدی.
عملیاتلاردا طریقتین الیندن ۹۵ نفر قورتاریلارکن، توپلو اؤلوملرله باغلی آرالاریندا طریقت لیدئرینین حیات یولداشی جویس ام‌ویکامبانین دا اولدوغو ۳۷ نفر توتوقلاندی.
گوود نیوز اینترنشنال کلیسه‌سی کشیشی پل مک‌کنزی حاقیندا، کلیسه‌سینده‌کی اینسانلارا، آچ قالیب حضرت عیسی‌یا قوووشمالارینی وعد ائد‌رک بیر چوخ اینسانین اؤلومونه سبب اولدوغو ادعاسییلا سوروشدورما باشلادیلمیشدی.
طریقتین لیدئری مک‌کنزی، سوروشدورمانین باشیندا پلیسلره ۱۰۰۰ نفرین جانسیز بد‌نینی تاپاجاقلارینی سؤیله‌میشدی.