فرانسادا نائل آدلی گنجی اؤلدورن پلیسین بوراخیلما طلبی رد ائدیلدی

فرانسادا، ورسای تمییز محکمه‌سی، ۱۷ یاشین‌داکی الجزایر اصللی نائل م.نی سیلاحییلا اؤلدوره‌ن پلیسین بوراخیلما طلبینی رد ائد‌رک توتوقلولوغون داوامینا حؤکم ائتدی.
ورسای تمییز محکمه‌سینده، ۲۷ ژوئنده سؤز قونوسو گنجی سیلاحییلا آتیش ائدرک اؤلدوره‌ن پلیسین بوراخیلما ایستگینه باغلی جلسه تشکیل ائدیلدی.
شوبهه‌لینین لا سانته آدلی حبس‌خانادان ویدئو کنفرانسلا قاتیلدیغی جلسه‌ده فرانسا محکمه‌سی، بوراخیلما طلبینی رد ائتدیگی پلیسین توتوقلولوق حالینین داوامینی قرارلاشدیردی.
اؤته یان‌دان ایچ ایشلری نباخانلیغینین بیلگیلرینه گؤره، نائلین اؤلوموی ایله باشلایان اعتراضلاردا ۲ مین ۵۰۸ بینانین یانین‌دا ۱۲ مین ۳۱ ماشین یاندیریلدی و یا زیان گؤردو.
فرانسا پلیسی، ۲۷ ژوئنده نانتر‌ده ۳ نفرین اولدوغو ماشینا آتیش ائتمیش، ۱۷ یاشین‌داکی سوروجو نائل م.نی اؤلدورموشدو.
نائلین اؤلومونه تپکی وئره‌نلر، اؤلکه‌ده فرق‌لی شهرلرده کوچه‌یه چیخاراق پلیسله چاتیشمیشدی.
گنجی اؤلدوره‌ن پلیس ایشدن آلینمیش و توتوقلو یارغیلانماسینا قرار وئریلمیشدی.
آیریجا باشکند پاریس ایله مارسی و لیون داخیل بیر چوخ شهرده تشکیل ائدیله‌ن اعتراضلاردا تالان و یاغمالاما حادثه‌لری میدانا گلمیشدی.