فرانسا، آلمانیا و لهستان دؤولت باشچی‌لاری پاریس-ده

فرانسا پرزیدنتی امانوئل ماکرون، آلمانیا باش ناظیری اولاف شولتس و لهستان پرزیدنتی آندری دودا پاریس-ده گؤروشوب.

اوکراینا‌داکی سون وضعیتی موذاکیره ائدن اوچ اؤلکه باشچی‌سی گؤروش‌دن سونرا تشکیل ائدیلن بیرگه مطبوعات کونفرانسیندا چیخیش آچیقلاما وئریب‌لر.

اوکراینانین اؤزونو نمونه‌وی جسارتله مدافعه ائتدیگینه دقت چکن امانوئل ماکرون بو اؤلکه‌یه فاصیله‌سیز دستکین داوام ائتدیریلمه‌سی‌نین واجیب‌لیگینی بیلدیریب و اوکراینانین غلبه‌سی‌نین بوتون قاره ده باریشا تحفه وئرجگینه امین‌لیگینی ایفاده ائدیب.

اوکراینانین آوروپا بیرلیگی و ناتو-یا عضو اولاجاغینا شوبهه یوخ‌دور" دئین آندری دودا دا "غلبه‌نین روسیا قوه‌لری‌نین اولوسلار آراسی حقوقا اساساً اوکراینایا عایید اولان بوتون تورپاق‌لاردان چیخاریلدیغی زامان اولاجاغینی سؤیله‌ییب.

فرانسا، لهستان و آلمانیا آراسیندا امکداشلیغین آوروپا اوچون بؤیوک اهمیت کسب ائتدیگینی وورغولایان اولاف شولتس ایسه اوچ اؤلکه‌نین موضعی‌‌نین آیدین اولدوغونو، قاره ایله اوکراینایا دستک وئردیک‌لرینی و لازیم گلن قدر بو اؤلکه‌نین یانیندا اولماغا داوام ائده‌جک‌لرینی بیلدیریب.