کانادا-دا مئشه یانغین‌لاری سببیندن مین‌لرله اینسان تخلیه ائدیلیب

کانادانین گونئی- دوغوسوندا یئنی اسکوشیا ایالتینده بازار گونو باشلایان مئشه یانغین‌لاری سببیندن مین‌لرله اینسان ائولرینی ترک ائتمک مجبوریتینده قالیب.

هالیفاکس بلدیه‌سی‌نین معلوماتینا گؤره، یانغین‌لار 200-ا یاخین بینایا ضرر ووروب. یانغین سؤن‌دورنلر آلووون یاییلماسی‌نین قارشی‌سینی آلماق اوچون سعی گؤستریرلر. یانغین‌لار سببیندن 14 مینه یاخین اینسان تخلیه اولونوب.

می‌ین 6-دا آلبرتا ایالتینده باشلایان مئشه یانغین‌لاری سببیندن 29 مین نفر تهلوکه‌سیز اراضی‌لره کؤچورولموشدو. کانادانین حاکمیت اورقان‌لاری طبیعی فلاکتله باغلی بؤلگه‌ده فوق العاده وضعیت اعلان ائتمیشدی.