آجلیق طریقتینده اؤلو ساییسی آرتدی

کنیادا توتدوقلاری اؤلوم اوروجو سببیله اؤلدوگو معین ائدیله‌ن شخصلرین ساییسی ۱۴۵ نفره چیخدی.
موریدلرینی اؤلوم اوروجونا سؤوق ائد‌رک حیاتلارینی ایتیرمه‌لرینه سبب اولان "آجلیق طریقتی" سوروشدورماسیندا توپلو مزار آختارما ایشلرین‌ده یئنی جسدلر تاپیلدی.
ساحل بؤلگه کومیسری رهودا اونیانچا، طریقت لیدئری پل مک‌کنزینین ترورلا سوچلاندیغی سوروشدورما‌دا یئنی جانسیز بد‌نلر تاپیلدیغینی آچیقلادی.
طریقتین اولدوغو مالیندی قصبه‌سین‌ده هله ده ۵۰۰دن چوخ اینسانین ایتکین اولدوغو تخمین ائدیلیر.
اورگان تیجارتی شبهه‌سینین کنیا مطبوعاتیندا تئز تئز یئر آلماسی سونراسی ائدیله‌ن آراشدیرمالاردا، بعضی شخصلرین اورگانلارینین چیخاریلمیش اولدوغو بللی اولموشدو.
یاریلمالاردا بعضی اوشاقلارین دا هاواسیزلیق‌دان اؤلدوگو معین ائدیلمیشدی.
طریقتین لیدئری مک‌کنزیه، سوروشدورمانین باشین‌دا پلیسلره ۱۰۰۰ نفرین جانسیز بد‌نینی تاپاجاقلارینی سؤیله‌میشدی.
گوود نیوز اینترنشنال کلیسه‌سی کشیشی پل مک‌کنزی نتهنگنین، کلیسه‌سین‌ده‌کی اینسانلارا آچ قالاراق حضرت عیسی‌یا قوووشمالارینی وعد ائتدیگی ایفاده ائدیلمیشدی.