اوکراینانین باش ناظیری امریکا-دان ساواش اوچاغی ایسته‌دی
اوکراینانین باش ناظیری دنیس شمیگال امریکای "اف-15" و "اف-16" قیریجی‌لاری گؤندرمه‌یه چاغیریب.
اوکراینانین باش ناظیری دنیس شمیگال امریکای "اف-15" و "اف-16" قیریجی‌لاری گؤندرمه‌یه چاغیریب.
شمیگال واشینگتوندا رسمی تماس‌لاری چرچیوه‌سینده امریکانین ساوونما ناظیری لوید آستین ایله گؤروشوب.
آستین اوکراینا باش ناظیری شمیگالی پنتاگون-دا رسمی مراسیمله قارشیلاییب و ایکی ناظیر گؤروش‌دن اول مطبوعاتا آچیقلاما وئریب.
ناظیر آستین اوکراینا‌لی‌لارین جسارتی و مقاومتی‌نین امریکا-لیلاری حیران ائتدیگینی و روسیا-اوکراینا محاربه‌سی نه قدر داوام ائتمه‌سیندن آسیلی اولمایا‌راق امریکانین اوکراینایا دستکینی داوام ائتدیرجگینی بیلدیریب.
آستین اوکراینانین کیئو، خارکوو و خرسوندا قازاندیغی غلبه‌لره توخونا‌راق دئییب:
"پرزیدنت (جو) بایدنین رهبرلیگی آلتیندا امریکا اوکراینانین آزادلیق موباریزه‌سینی هر آدیمدا دستکله‌ییب".
اوکراینا باش ناظیری شمیگال ایسه داها چوخ حربی یاردیما احتیاج‌لاری‌نین اولدوغونو و داها آز ایتکی ایله داها سرعت‌لی غلبه‌یه نایل اولماق اوچون داها چوخ هاوا هوجومون‌دان ساوونما سیستم‌لری‌نین تامین ائدیلمه‌سی‌نین واجیب‌لیگینی وورغولاییب.
شمیگال آستینه " آبرامز" تانک‌لاری، همچنین " بردلی" و " استرایکر" پیادا دؤیوش ماشین‌لارینی اوکراینایا تداروک ائده‌جک‌لرینه گؤره تشککور ائدیب:
"معاصر دؤیوش‌لرده هاوا اوستونلوگو چوخ واجیب‌دیر. بونا گؤره ده اوکراینا یئنی دؤیوش اوچاق لاری کوالیسیونو یاراتماغا چالیشیر. امریکای بونون ان مهم ایشتیراکچی‌سی اولماغا دعوت ائدیریک. امریکا اوکراینایا "اف-15" و یا "اف-16" قیریجی‌لاری تامین ائده‌رک لیدرلیگینی بیر داها گؤستره بیلر".
ایلگیلی‌لی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب
