بنگلادش-ده باش وئرن پارتلاییشدا اؤلنلرین سایی 19 نفره چاتیب
بنگلادش-ین پایتاختی داکا شهرینده مارسین 7-ده بینالاردان بیرینده باش وئرن پارتلاییشدا 19 نفر حیاتینی ایتیریب.
بنگلادش-ین پایتاختی داکا شهرینده مارسین 7-ده بینالاردان بیرینده باش وئرن پارتلاییشدا 19 نفر حیاتینی ایتیریب.
سی ان ان-ین خبرینه گؤره، پولیس ایشچیسی محیط الدین خوندکار گولوستان بؤلگهسینده 7 مرتبهلی بینادا باش وئرن پارتلاییشین سببینین هله معین ائدیلمهدیگینی، آنجاق گازین پارتلاماسی نتیجهسینده باش وئرمیش اولا بیلهجگینی بیلدیریب.
خوندکار قئید ائدیب کی، یانغین و آختاریش-قورتارما ایشلری باشا چاتدیقدان سونرا اؤلنلرین و داغینتینین نتیجهسی معلوم اولاجاق.
پارتلاییش زامانی بینادا چوخ آدام اولمادیغینی قئید ائدن خوندکار حادثهده حیاتینی ایتیرنلرین سایینین 19 اولدوغونو بیلدیریب.
خوندکار بینانین حرکتلی کوچهده یئرلشدیگی اوچون پارتلاییشدان پیاده لرین تاثیرلندیگینی بیلدیریب.
قئید اولونوب کی، 22-سی خستهخانادا معالیجه اولونان 100-ا یاخین آدامین یارالاندیغی پارتلاییش بیر چوخ اوفیس و ماغازالارین یئرلشدیگی بینانین بیرینجی مرتبهسینده تمیزلیک ماتئریاللاری ساتان ایش یئرینده باش وئریب.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب