ترور سالدیریسیندا ۵۱ عسگر اؤلدو

بورکینافاسودا، اوردویا قارشی تشکیل ائدیله‌ن ترور سالدیریسیندا ۵۱ عسگر حیاتینی ایتیردی.

اوردودان وئریله‌ن یازیلی آچیقلامایا گؤره، ساحل بؤلگه‌سینده یئر آلان اودالان ائلچه‌سینده قونوشلو عسگرلره تشکیل ائدیله‌ن ترور سالدیریسیندا ۵۱ عسگر حیاتینی ایتیردی.

عسگرلرله تروریستلر آراسیندا چیخان چاتیشمادا دا ۶۰ تروریست ائتکیسیز حالا گتیریلدی.

قونشو اؤلکه مالی‌ده‌کی القاعده و داعش باغلانتیلی تروریست قروپلار، ۲۰۱۵دن بو یانا بورکینافاسونون قوزئیینده و دوغوسوندا تئز تئز سالدیری تشکیل ائدیر.

حکومت بیلگیلرینه گؤره، سالدیریلاردا، ۲۰۱۵دن دسامبر ۲۰۲۱ ایلینه قدر ۶۰۰ نفری گوونلیک گوجو اولماق اوزره ۲ مین نفر حیاتینی ایتیردی.