کانادا یئرلی‌لره خسارت اؤده‌یه‌جک
کۆلتورل سوی‌قیریم اوچون عذر ایسته‌یه‌ن و ۲۰ میلیارد دلار خسارت اؤد‌مه‌یه راضی اولان کانادا بو دفعه یئرلیلرین کۆلتورل ایتکیلری اوچون ۲ میلیارد دلار اؤد‌یه‌جک
کانادا قارانلیق گئچمیشی ایله اۆزله‌شیر.
کۆلتورل سوی‌قیریم اوچون عذر ایسته‌یه‌ن و ۲۰ میلیارد دلار خسارت اؤد‌مه‌یه راضی اولان کانادا بو دفعه یئرلیلرین کۆلتورل ایتکیلری اوچون ۲ میلیارد دلار اؤد‌یه‌جک.
آوروپادان کانادایا کؤچ، یئرلیلر اوچون بیر سوی‌قیریم و آسیمیلیاسیون حکایه‌سینه چئوریلدی.
اؤلکه‌ده، یئرلیلرین اؤز مدنیتلرینی اونودوب خریستیانلاشماسی اوچون اؤلکه‌ده کلیسه اوخوللاری آچیلدی. ۱۵۰ میندن چوخ اوشاق، عائله‌لریندن قوپاردیلاراق یاتیلی اوخوللاردا قالماغا مجبور ائدیلدی.
۱۵۷ ایللیک ظلمده، رسمی رقملره گؤره، ان آز ۶ مین اوشاق یاشامینی ایتیردی. آنجاق اوخول حیطلرین‌ده اورتایا چیخان توپلو مزارلار و آدی ثبت ائدیلمه‌ین اوشاقلار گئرچک سایینین داها چوخ اولدوغونو دۆشوندورور.
کانادا حکومتینه ۲۰۰۸-جی ایلده بو اینسانلیق عیبی ندنی ایله رسماً عذر ایستدیکدن سونرا خسارت شکایتی ائدیلدی.
حکومت، کلیسه اوخوللارین‌دا اؤلن اوشاقلار اوچون ۲۰ میلیارد دلار اؤد‌مه‌نی قبول ائتدی.
کانادا حکومتینه قارشی کۆلتورل سوی‌قیریم اتهامی ایله ۲۰۱۲-جی ایلده داها بیر شکایت ائدیلمیشدی.
حکومت بو دفعه ۲ میلیارد دلار خسارتی قبول ائتدی. خسارتین اؤدنیلمه‌سی اوچون قرار محکمه طرفین‌دن ده تصدیقله‌نمه‌لیدیر.
کاناداداکی کلیسه اوخوللارینین قارانلیق تاریخی، ۲۰۲۱-جی ایلده بو اوخوللاردان بیرینین باغچاسیندا آدی ثبت ائدیلمه‌ین ۷۵۱ اوشاغین توپلو مزارینین تاپیلماسی ایله اۆزه چیخمیشدی.
بونون اۆزرینه بوتون اوخوللارین باغچالاریندا دتکتورلارلا آختارماباشلادیلدی.
اؤتن هفته بو اوخوللاردان بیرینین داها باغچاسیندا توپلو مزار تاپیلدی. مزاردا ۱۷۱ اوشاغین باسدیریلدیغی دۆشونولور.
ایلگیلی‌لی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب
