۳۰ میلیوندان چوخ اوشاق آجلیق چکیر
۸ میلیون اوشاق یئترسیز بسلنمهنین ان اؤلومجول سویهسینده یاشامینا داوام ائدیر
بیرلشمیش میللتلر تشکیلاتینین قورولوشلاری، بنزری گؤرولمهمیش غذا و بسلنمه بحرانیندان ان چوخ تأثیرلنهن ۳۰ میلیوندان چوخ ساوونماسیز اوشاغی قوروماق اوچون عاجیل تدبیرلر گؤرمه چاغریسی ائتدی.
بیرلشمیش میللتلر تشکیلاتیندان وئریلهن یازیلی آچیقلامایا گؤره، چاتیشمالار، ایقلیم دییشیکلیگی، یئنی نسیل کوروناویروسون (کووید-۱۹) داوام ائدن تأثیرلری و آرتان یاشاییش خرجلری کیمی عامیللر، میلیونلارجا اوشاغین یئترسیز بسلنمهسینه سبب اولورکن، تمل ساغلیق، بسلنمه و دیگر اؤنملی خیدمتلر داها آز الچاتایر حالا گلیر.
دونیادا سورونلاردان ان چوخ تاثیرلنن ۱۵ اؤلکهدهکی ۳۰ میلیوندان چوخ اوشاق یئترسیز بسلنمه سورونو یاشارکن، بونلاردان ۸ میلیونو یئترسیز بسلنمهنین ان اؤلومجول سویهسینده یاشامینا داوام ائدیر. بو وضعیت، اوشاقلارین حیاتی، اوزون دؤنمدهکی ساغلیق و گلیشمهلری اوچون بؤیوک پروبلئملره سبب اولور.
بیرلشمیش میللتلر تشکیلاتی ارزاق و اکینچیلیک هؤرگوتو (فائو)، بیرلشمیش میللتلر سیغینماچیلار یوکسک کمیسرلیگی، بیرلشمیش میللتلر تشکیلاتی اوشاق صاندیغی (یونیسف)، دونیا ارزاق پروگرامی و دونیا ساغلیق هؤرگوتو، اوشاقلارین یئترسیز بسلنمه ندنی ایله قارشیلاشدیقلاری سورونلارلا باغلی کۆرهسل فعالیت پلانی حاضیرلاما چاغریسی ائتدی.
بو پلان؛ افعانیستان، بورکینا فاسو، چاد، کونگو، اتیوپی، هائیتی، کنیا، ماداگاسکار، مالی، نیجر، نیجریه، سومالی، گونئی سودان، سودان و یمن کیمی بو دورومدان ان چوخ تأثیرلنهن اؤلکهلردهکی اوشاقلارین یئترسیز بسلنمه ایله باغلی پروبلئملرینی معین ائتمه، اؤنلهمه و اوشاقلاری معالیجه ائتمهیی احتیوا ائدیر.
چوخ ساحهلی بیر یاناشما اولان بو کۆرهسل پلان؛ غذا، ساغلیق، سو، کانالیزاسیون و سوسیال قوروما سیستملری واسطهسی ایله آنا و اوشاقلارین اؤنجهلیکلی بسلنمهسیندهکی فعالیتلرینی دستلهییر.
بیرلشمیش میللتلر تشکیلاتی قورولوشلاری، بو بحرانین بیر فاجعهیه چئوریلمهسینین قارشیسینی آلماق اوچون "قرارلی و واختیندا حرکته گئچمه" و بیرلشمیش میللتلر تشکیلاتی ایش بیرلیگی ایله داها چوخ یاتیریم چاغریسی دا ائتدی.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب