ژاپونیا ایله امریکا آراسیندا تیجارت موقاویلهسی ایمضالانیب
ژاپونیانین باش ناظیری شینزو آبه و امریکا پرزیدنتی دونالد ترامپ موقاویلهنی تصدیق ائتدیکدن سونرا بیرگه بیانات ایمضالاییبلار.
سپتامبرین 25-ده نیویورک-دا ژاپونیا و امریکا آراسیندا تیجارت موقاویلهسی ایمضالانیب.
ژاپونیانین باش ناظیری شینزو آبه و امریکا پرزیدنتی دونالد ترامپ موقاویلهنی تصدیق ائتدیکدن سونرا بیرگه بیانات ایمضالاییبلار.
موقاویلهنی یوکسک قیمتلندیرن شنیزو آبه دئییب: "موقاویله قوهیه میندیکدن سونرا، او شوبههسیز کی، امریکا ایقتیصادیاتینا ژاپون یاتیریم لاری نین آرتیریلماسینا و ایکی طرفلی ایقتیصادی علاقهلری اینکیشاف ائتدیرمهیه ایمکان یاراداجاق. امینم کی، موقاویله هم ژاپونیا، هم ده امریکا اوچون فایدالی اولاجاق".
امریکا پرزیدنتی دونالد ترامپ ایسه دئییب: "ژاپونیا طرفی امریکانین مال اتی، دونوز اتی، بوغدا، پنیر، قارغیدالی، شراب و دیگر محصوللارینا گمرک وئرگی لری اهمیتلی درجهده آزالدیب و یا تامامیله لغو ائدیب. بو، امریکا مالدارلاری و اکینچیلری اوچون بؤیوک غلبهدیر، منیم اوچون ایسه خصوصی اهمیته مالیکدیر".
موقاویلهنین شرطلرینه گؤره، ژاپونیا ترانس-ساکیت اقیانوس طرفداشلیغی موقاویلهسینده معین ائدیلمیش گؤستریجیلری آشماماق شرطی ایله اؤز بازارینی امریکانین تاریم محصوللاری اوچون آچیر.
ژاپونیا امریکانین مال اتی اوچون گؤمروک وئرگی سینی ایندیکی 38،5 فایزدن 9 فایزدک آزالداجاق. امریکانین دونوز اتینه اولان وئرگی لر ده آزالدیلاجاق.
طرفلر آراسیندا الده ائدیلن راضیلاشمایا اساساً، ژاپون اتومبیل لرینه و یدک پارچالارینا گمرک تعرفه لرین معین اولونماسی اوچون دانیشیقلار داوام ائتدیریلهجک. ژاپونیا طرفی امریکانین تعرفه لردن تام ایمتینا ائتمهسینی ایستییر.
ایکی اؤلکه لیدرلرینین ایمضالادیغی بیاناتدا ایسه دئییلیر کی، امریکا ژاپونیادان صادر ائدیلن اتومبیل لره علاوه تعرفه لرین تطبیقینی داوام ائتدیرمهیهجک.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب