بؤیوک بریتانیا-دا بیر ناظیر داها ایستعفا وئردی
بؤیوک بریتانیانین آوروپا و امریکا مسئلهلری عذره ناظیری ایستعفا وئردی.
بؤیوک بریتانیانین آوروپا و امریکا مسئلهلری عذره ناظیری آلان دونجان محافظه کار پارتیسینین لیدرلیک یاریشیندا سس وئرمهنین باشا چاتماسینا بیر نئچه ساعت قالمیش ایستعفا وئردی.
دونجان پارتی نین لیدرلیگینه ان رئال نامیزد اولان سابیق خاریجی ایشلر ناظیری بوریس جونسون ایله "برگزیت" مسئلهسی ایله باغلی سرت موباحیثه ائتمیشدی.
جانسونون باش ناظیر ترزا می ین آوروپا بیرلیگی ایله راضیلاشدیردیغی "برگزیت" موقاویلهسینی "دویمهسی بروکسل-ین الینده اولان انتحار جلیقه سی" بنزتمهسینه ان سرت رئاکسیا وئرن سیاسی فیقور دونجان اولموشدو.
صاباح موحافظه کار پارتیسینین لیدرینین آدی معلوم اولاجاق.
اؤتن گون ده مالیه ناظیری فیلیپ هاموند و عدالت ناظیری دیوید گائوک جانسون لیدر سئچیلدیگی تقدیرده ایستعفا وئرهجکلرینی بیلدیرمیشدیلر.
جانسونون لیدر سئچیلمهسی حالیندا باشدا رقیبی خاریجی ایشلر ناظیری جرمی هانت اولماقلا، بیر سیرا ناظیرین ده ایستعفاسی گؤزلنیلیر.
موحافظه کار پارتیسینین یئنی لیدری باش ناظیر وظیفهسینی 24 ژوئیه ده می دن تحویل آلجاجاق.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب