امریکادا دوغولان اوشاقلارین بو اؤلکهنین وطنداشلیغینی آلماق حقوقو لغو ائدیله بیلر
دونالد ترامپ بونو "Axios on HBO" خبر پروقرامینا موصاحیبهسینده دئییب.
امریکا پرزیدنتی دونالد ترامپ خاریجی اؤلکه وطنداشلارینین و مهاجیرلرین امریکا اراضیسینده دوغولان اوشاقلارینا وطنداشیق وئریلمهسی حقوقونو لغو ائتمک بارهده فرمان ایمضالاماغی پلانلاشدیریر.
دونالد ترامپ بونو "Axios on HBO" خبر پروقرامینا موصاحیبهسینده دئییب.
"بیز دونیادا یگانه دؤولتیک کی، ایستنیلن اینسان بورا گله، اوشاق دوغا و دوغدوغو اوشاق فاکتیکی اولاراق 85 ایل بوتون ایمتیازلارلا امریکا وطنداشی اولا بیلر... بو چوخ گولونجدور و بونا سون قویولمالیدیر"، - دئیه پرزیدنت وورغولاییب و قئید ائدیب کی، پروسئس گئدیر و بو، باش وئرهجک".
"امریکا پرزیدنتینین بئله بیر آددیم آتماسینین قانونی اولوب-اولماماسینا گلینجه، بونو بیر پرزیدنت امری ایله ائده بیله جگیمی دئییرلر.
آغ ائو حقوق شناس لاری تکلیفی موذاکیره ائدیر."
امریکا آنایاساسی نین معینلشدیردیگی حاق اولان "آنادان گلمه امریکا وطنداشلیغی"نین قالدیریلماسی پرزیدنتین آنایاسایا تک باشینا موداخیلهسی اولاراق حقوقی موباحیثه لره یول آچا بیلر.
قئید ائدک کی، بیر چوخ دؤولتلرده همین اؤلکهنین اراضیسینده دوغولان اوشاقلارا اتوماتیک اولاراق وطنداشلیق وئریلیر. بو پروسه دوردان، او جملهدن آوروپانین بعضی اؤلکهلرینده، همچنین برزیل، شیلی و پانامادا ایستیفاده اولونور. بونونلا بئله، بیر سیرا آوروپا دؤولتلرینده اوشاغین دوغولماسی فاکتی ایله یاناشی، اونون اؤلکه اراضیسینده معین مودتده یاشاماسی طلبی ده موجوددور.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب