آرژانتین هاوا یول‌لاری، ونزوئلایا اوچاق سفرلرینی امنیت سببیله دوردوردو
آرژانتین هاوا یوللاریندان بیلدیریب‌لر کی، ونزوئلادا آرتان شدت حادثه‌لری و سیاسی گرگینلیک سببین‌دن بو اؤلکه‌یه اوچاق سفر‌لری‌نین دایاندیریلدیغی بیلدیریلدی
آرژانتین هاوا یول‌لاری، ونزوئلایا اوچاق سفرلرینی امنیت سببیله دوردوردو.
آرژانتین هاوا یوللاریندان بیلدیریب‌لر کی، ونزوئلادا آرتان شدت حادثه‌لری و سیاسی گرگینلیک سببین‌دن بو اؤلکه‌یه اوچاق سفر‌لری‌نین دایاندیریلدیغی بیلدیریلدی.
داها اوّل ده بیر چوخ هاوا یولو شیرکتی، سازیش‌لر اوزون‌دن چیخان موناقیشه‌لر و خدمه عضو‌لری‌نین امنیته دایر ناراحات‌لیق‌لار سببی ایله ونزوئلایا اوچوش‌لارینی دایاندیرما قراری آلدی.
کولومبیانین آویانکا هاوا یولو شیرکتی، آمریکانین یونیتد و دلتا هاوا یول‌لاری بو ایل ونزوئلایا اوچوش‌لارینی موقتی اولا‌راق دایاندیردی.
آلمان هاوا یولو شیرکتی لوفتهانزا کئچن ایل، مکزیک‌ین آئرومکزیکو، ایتالیانین آلیتا‌لیا، شیلی‌نین تام، برزیل‌ین قول و کانادانین ایر کانادا هاوا یولو شیرکت‌لری ده 2014 و 2015 ایللرینده اؤلکه‌دن آیریلدی.
اولوسلار آراسی هاوا نقلیاتی داشیماجیلیغی (IATA)، ونزوئلانین گئده‌رک یالنیزلاش-دیغینا ایشاره ائتمیشدی.
اولوسلار آراسی هاوا نقلیاتی داشیماجیلیغی صدر معاوینی پتر کردا، اؤتن هفته وئردیگی آچیقلامادا، "وضعیت گئتدیکجه چتینلشیر، اولوسلار آراسی هاوا نقلیاتی داشیماجیلیغی‌نین بیر چوخ عضوو ونزوئلا‌دان آیریلدی. سفرلرینه داوام ائدن 6-7 داشیییجی فیرما دا اوچوش‌لارین ساییسینی آزالدیب. ونزوئلانین آز قالا دونیا ایله علاقه‌سی قوپور. یاخین پرسپکتیوده هر هانسی بیر حل یولو گؤرموروک". دئمیشدی.
ایلگیلی‌لی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب
