150 اؤلکهده 200 مین بیلگی سایار سالدیرییا معروض قالدی
آوروپا بیرلیگی پولیس تشکیلاتینین (یوروپل) مودیری راب وینرایت جمعه گونو تؤرهدیلن دونیا میقیاسلی سیبر سالدیرینین 150 اؤلکهده 200 مین کامپیوتره تأثیر ائتدیگینی بیلدیردی.
آوروپا بیرلیگی پولیس تشکیلاتینین (یوروپل) مودیری راب وینرایت جمعه گونو تؤرهدیلن دونیا میقیاسلی سیبر سالدیرینین 150 اؤلکهده 200 مین کامپیوتره تأثیر ائتدیگینی بیلدیردی.
اینگیلیس کانالی ITV -یه موصاحیبه وئرن وینرایت سیبر سالدیرینین چوخونون ایش یئرلرینده و بعضیلرینین ده بؤیوک شیرکتلرده اولدوغونو دئدی.
وینرایت سالدیرینین ایندیه ده ک گؤرونممیش بیر خصوصیته مالیک اولدوغونو،"ransomware" دئییلن فیدیه پروگراملاری و "warm" دئییلن سوخولجان تیپلی کامپیوتر ویروسلارینین بیرلشدیریلمهسی ایله یارادیلدیغینی بیلدیردی.
سالدیرینی ائدنلرین سؤزوگئدن بیرلشمه ویروسونون یاییلما سرعتینی آرتیرماق اوچون ایستیفاده ائتدیکلرینی بیلدیرن وینرایت حاضردا گئتدیکجه بؤیوین بیر تهلوکه ایله اوز-اوزییک. سالدیرییا معروض قالانلارین سایی آرتیر.
سالدیرینی کیمین طرفیندن حیاتا کئچیردیگینین هله بیلینمدیگینی قئید ائدن وینرایت بونون جینایتکار سالدیری اولدوغو آچیق-آشکار اورتادادیر" دئدی.
قئید ائدک کی، "WannaCry " آدی وئریلن پروگرامین ایستیفاده ائدیلدیگی سالدیریدان داها چوخ روسیا، اوکراینا و تایوان تاثیرلندی.