چین اویدوسو آیین قارانلیق اۆزونه ائندی

چینین آیین قارانلیق اۆزوندن قایا و تورپاق نومونه‌لری ییغماق اۆزره ۳ می‌ده اوزایا گؤندردیگی "چانگی ۶" کشف آراجی اوربیته گیردی.

چین اولوسال اوزای ایداره‌سیندن وئریله‌ن آچیقلامایا گؤره، کشف آراجی، آیا یاخینلاشارکه‌ن ائتدیگی دورما مانورونو تاماملایاراق آی اوربیتینه قونوملاندی.

دورما مانورو، کشف آراجینین سرعتینی یاواشلاداراق آیین کوتله چکیمینه گیرمه‌سینی و اطرافیندا دؤنمه‌یه باشلاماسینی تامین ائتدی.

"چانگی ۶"، سونراکی مرحله‌ده، داها اؤنجه یؤرونگه‌یه یئرلشدیریله‌ن "چوئچیائو-۲" اویدوسونون کؤمگی ایله ارتفاع و اَییم عیارلامالارینی گئرچکلشدیره‌جک.

ائنیش و یوکسلتمه آراجی ایله اویدو و قاییتما گمیسیندن اولوشان کشف آراجی، بیله‌شنلرینی آییردیقدان سونرا آیین گۆنئی قطبو-آیتکن چاناغی ایچینده‌کی بیر کراتر اولان آپوللو چاناغینا یومشاق ائنیش گئرچکلشدیره‌جک.

آیا ائندیکدن ۴۸ ساعات سونرا آراجین قازما بورغوسو آی سطحینی قازارکه‌ن، روباوتیک قول، تورپاق و قایا نومونه‌لرینی توپلاماغا باشلایاجاق.

نومونه‌لر، کانتینرده مؤهورلنیلدیکدن سونرا یوکسلتمه آراجی ایله سطحدن اوربیتده‌کی اویدویا و قاییتما گمیسینه داشیناجاق.

آردیندان قاییتما گمیسی، نومونه‌لری دونیایا گتیره‌جک.