توگ، آوروپا بازارینا گیرهجک
"توگ هم الکتریکلی وآراج صینیفینده لیدئر هم ده اؤز مودلی اولان اسیووی آراجلار آراسیندا بازار لیدئریدیر"
تۆرکیهنین یئرلی و میللی الکتریکلی اتومبیلی توگ، ۲۰۲۵ ایلی باشیندا آوروپا بازارینا گیرهجک.
صنایع و تکنولوژی باخانی مممد فاتح کاجیر، تۆرکیه رادیو تلویزیون قورومونا (ترت) آچیقلامالار وئردی.
یئرلی اتومبیل توگون یالنیز یئنی بیر اتومبیل برندینین دئییل، بوتون سئکتورو دؤنوشدورمهیه لیدئرلیک ائدن بیر برند اولدوغونو وورغولایان کاجیر، یوللارداکی توگ ساییسینین ۳۰ مینه یاخینلاشدیغینی ایفاده ائتدی.
باخان کاجیر،
"(تۆرکیهده) توگ هم الکتریکلی وآراج صینیفینده لیدئر هم ده اؤز مودلی اولان اسیووی آراجلار آراسیندا بازار لیدئریدیر" دئدی.
تۆرکیهنین اؤنوموزدهکی دؤنمده دونیادا اؤنملی بیر باتری اۆرهتیم مرکزلریندن بیری حالینا گلهجگینی وورغولایان باخان کاجیر،
"اوتونوم سوروش، صونعی ذکا مقونوسوندا توگون اؤنوموزدهکی دؤونمده قابیلیتلرینی گلیشدیرمک چوخ اؤنملی اولاجاق" دئیه دانیشدی.
توگون ۲۰۲۵.جی ایلین باشیندا آلمانیادا ساتیشا چیخاجاغینی و بئلهجه آوروپا بازارینا گیرمیش اولاجاغینی ایفاده ائدن کاجیر،
"یئنه عینی تاریخلرده، گئچدیگیمیز آیلاردا آمریکا بیرلشمیش دؤولتلرینین لاس وگاس شهرینده تانیدیلان توگون ‘فستبک' مودلینین ده بازارا چیخماسی هدفلهنیر. اؤنوموزدهکی دؤنمده توگون یئنی آتیلیملاری دا اولاجاق" دئدی.
توگون پروگرام گلیشدیرمهلرینین ده داوام ائتدیگینی ایفاده ائدن باخان کاجیر، سون یئنیلیکلردن بیرینین ده اۆز تانیما اولدوغونو سؤیلهدی.
اؤنوموزدهکی دؤنم جمهورباشقانی رجب طیب اردوغانین دونیایا یئنی بیر تکنولوژی تشویق پروگرامی اعلان ائدجگی موشتولوغونو وئرهن صنایع و تکنولوژی باخانی،
"تۆرکیهنین چیپ تکنولوژیلریندن باترئی تکنولوژیلرینه بوتون یئنی نسیل تکنولوژی ساحهلرینده هم میللی پروژهلرینی سرعتلهندیرمهیه هم ده کۆرهسل سرمایهلری چکمهیه دایر یئنی بیر یوکسک تکنولوژی سرمایه پروگرامینی جمهورباشقانیمیز دونیایا ائشیتدیرمیش اولاجاق" بیلگیسینی پایلاشدی.