موسکواداکی سالدیریدا اؤلو ساییسی آرتدی
"سالدیری نتیجه‌سینده ۱۳۹ نفر حیاتینی ایتیردی، ۷۵ینین کیملیگی تعیین اولوندو. اؤلنلر آراسیندا ۳ اوشاق دا وار"
روسیانین باشکندی موسکوادا جمعه آخشامی بیر کونسرت سالونوندا تشکیل ائدیله‌ن ترور سالدیریسیندا جان ایتکیسی ۱۳۹ نفره چیخدی.
روسیا سوروشدورما کومیته‌سی باشقانی آلکساندر باستریکین، روسیا دؤولت باشقانی ولادیمیر پوتینین ایشتیراکییلا ترور سالدیریسینین اله آلیندیغی ییغینجاقدا دانیشدی.
تروریستلرین کونسرت سالونونا (تورکیه ساعاتی ایله) ۱۹.۵۸ده گیردیکلرینی و ۲۰.۱۱ده بینانی ترک ائتدیکلرینی ایضاح ائد‌ن باستریکین، توتولان سالدیرقانلارین سوچلارینی اعتراف ائتدیکلرینی سؤیله‌دی.
باستریکین، "سالدیری نتیجه‌سینده ۱۳۹ نفر حیاتینی ایتیردی، ۷۵ینین کیملیگی تعیین اولوندو. اؤلنلر آراسیندا ۳ اوشاق دا وار" دئدی.
آلکساندر باستریکین، سالدیریدا ۱۸۲ نفرین ده یارالاندیغینی سؤیله‌دی.
بو آرادا، ترور سالدیرییلا باغلی ۱ نفر داها توتوقلاندی.
باسمانی بؤلگه محکمه‌سینده، ۲۲ مارس آخشامی تشکیل ائدیله‌ن ترور سالدیریسییلا باغلی گؤزآلتینا آلینان ۱۱ شبهه‌لیدن بیری داها حاکم قارشیسینا چیخاریلدی و توتوقلاندی.
بئله‌جه توتولان ۱۱ شبهه‌لیدن سککیزی توتوقلانمش اولدو.
