ایسرائیل اوردوسو اردن چایینین باتی ساحیلینه باسقیندا یئنیدن قان تؤکوب
ایسرائیل اوردوسونون رفحین دوغوسوندا یئرلشن 162-جی اوردویا قوشولماق اوچون گئجه کوماندو بیرلیگی گؤندردیگی بیلدیریلیب
ایسرائیل اوردوسو ایشغال آلتینداکی اردن چایینین باتی ساحیلینده بیر چوخ شهر و قصبهلره تشکیل ائتدیگی باسقیندا یئنیدن قان تؤکوب.
باسقین زامانی اسنایپرلرین بینالارا دیرماشاراق هر حرکت ائدنه آتش آچماسی نتیجهسینده 3 فیلیسطینلی اؤلوب، 1 نفر یارالانیب.
ایسرائیل عسگرلری اردن چایینین باتی ساحیلینین موختلیف شهرلرینه باسقین ائدهرک صرافی صاحیبلرینی توتوقلاییبلار.
دیگر طرفدن، ایسرائیل اوردوسونون غزه زولاغینین جنوبونداکی رفح شهرینه علاوه بیرلیکلر گؤندردیگی آچیقلانیب و بورادا قورودان هوجومو گئنیشلندیرمکله تهدید ائدیب.
"تایمز آف ایسرائیل"ین خبرینده ایسرائیل اوردوسونون رفحین دوغوسوندا یئرلشن 162-جی اوردویا قوشولماق اوچون گئجه کوماندو بیرلیگی گؤندردیگی بیلدیریلیب.
ایسرائیل اوردوسو می آیینین 6-دا وئردیگی آچیقلامادا مجبوری کؤچکون فیلیسطینلیلرین سیغیندیغی رفحین دوغوسونداکی بعضی محلهلرین بوشالدیلماسینی ایستهییب و می آیینین 7-ده سحر ساعاتلاریندا غزهنین رفح بؤلگهسینه قورودان هوجوما کئچدیگینی آچیقلاییب. مصر ایله سرحد قاپیسینین غزه طرفینی اله کئچیردیگینی بیلدیردی.
ایلگیلیلی خبرلر
غزهده اوشاقلار جدی یئمک قیتلیغییلا قارشی قارشییادیر
بیرلشمیش میللتلر اوشاقلارا کؤمک صاندیغی یونیسف، "اوشاقلاردا غذا قیتلیغی" باشلیقلی راپورونو یاییملادی