استرالیانین تهرانداکی ایش‌گۆدری خاریجی ایشلر باخانلیغینا چاغریلدی
ایران خاریجی ایشلر باخانلیغیندان وئریله‌ن یازیلی آچیقلامایا گؤره، استرالیانین تهران ایش‌گۆدرینه اعتراض یازیسی چاتدیریلدی
ایران، "بؤلگه‌ده‌کی استقرارسیزلاشدیریجی فعالیتلری سببی ایله" ایرانلی اوست سویه عسگری مسئوللار و قورولوشلارا تحریم قراری آلان استرالیانین تهرانداکی ایش‌گۆدرینی خاریجی ایشلر باخانلیغینا چاغیردی.
ایران خاریجی ایشلر باخانلیغیندان وئریله‌ن یازیلی آچیقلامایا گؤره، استرالیانین تهران ایش‌گۆدرینه اعتراض یازیسی چاتدیریلدی.
استرالیالی دیپلوماتا کانبرا حکومتینین ایرانین اوست سویه مسئوللارینی و بعضی قورولوشلاارینی هدف آلان تحریملرینین حقوق دیشی و مسئولیتسیزجه اولدوغو چاتدیریلاراق، تهرانین بونلارا جاواب وئرمه حاقینی ساخلی توتدوغو ایفاده ائدیلدی.
استرالیا خاریجی ایشلر باخانلیغی ۱۴ می‌ده وئردیگی یازیلی آچیقلامادا، "ایرانین اورتا دوغودا ثابتلیگی پوزان حرکتلرینه تپکی اولاراق" ساوونما باخانی محمدرضا آشتیانی و قدس گوجو باشچیسی اسماعیل قاآنی داخیل ایرانلی ۵ اوست سویه مقاما تحریم قراری آلدیغینی بیلدیرمیشدی.
