ایسرائیل غزه‌ده وطنداشلاری ووردو
فیلیسطین ساغلیق باخانلیغیندان وئریله‌ن آچبقلامادا، کؤمک گؤزله‌یه‌نلره آتیش ائدیلمه‌سی نتیجه‌سینده ۱۰۴ نفرین حیاتینی ایتیردیگی، ۷۶۰ نفرین ده یارالاندیغی بیلدیریلدی
ایسرائیلین غزه شهرینده اینسانی کؤمک گؤزله‌یه‌ن فیلیسطینلیلری هدف آلدیغی سالدیریدا ۱۰۴ نفر اؤلدو، ۷۶۰ نفر ده یارالاندی.
ایسرائیل، غزه یولاغینا قارشی سالدیریلارینین ۱۴۶.جی گونونده، غذا کؤمگی اوچون توپلانان فیلیسطینلی وطنداشلاری هدف آلدی.
فیلیسطین ساغلیق باخانلیغیندان وئریله‌ن آچبقلامادا، کؤمک گؤزله‌یه‌نلره آتیش ائدیلمه‌سی نتیجه‌سینده ۱۰۴ نفرین حیاتینی ایتیردیگی، ۷۶۰ نفرین ده یارالاندیغی بیلدیریلدی.
فیلیسطین خاریجی ایشلر باخانلیغیندان وئریله‌ن آچبقلامادا، سالدیرینین "وطنداشلارا قارشی سویوق‌قانلی بیر قیرغین" و ایسرائیلین داوام ائد‌ن "سوی‌قیریم ساواشینین" بیر پارچاسی اولدوغو ایفاده ائدیلدی.
اولوسلارآراسی توپلوما، وطنداشلاری قورومانین تک یولو اولاراق آتیش‌کس تامین ائدیلمه‌سی اوچون "عاجیل اولاراق موداخیله" چاغریسی ائدیلدی.
غزه‌ده‌کی حکومتین مئدیا اوفیسی طرفیندن وئریله‌ن آچبقلامادا ایسه، ایسرائیلین سالدیرینی اؤنجه‌‌دن پلانلادیغی ایفاده ائدیلدی.
آچبقلامادا اولوسلارآراسی توپلوم، اؤزللیکله ده آمریکا بیرلشمیش دؤولتلرینده جو بایدن رهبرلیگی فیلیسطینلی وطنداشلارین قتل ائدیلمه‌سینه ایجازه وئرمکله سوچلاناراق، "آمریکا رهبرلیگینی، اولوسلارآراسی توپلومو و اولوسلارآراسی قورولوشلاری، ایسرائیل ایشغالیندا وطنداشلارین اؤلدورولمه‌سیندن مسئول توتوروق. بوتون دونیا اؤلکه‌لرینه، بوتون عرب و ایسلام اؤلکه‌لرینه، عرب بیرلیگینه و ایسلام امکداشلیق تشکیلاتینا سوی‌قیریمی دوردورماق اوچون ایسرائیله باسقی ائتمک اوزره عاجیل اولاراق موداخیله چاغریسی ائدیلدی" ایفاده‌لری ایشله‌دیلدی.
