ایسرائیلین غزه‌یه سالدیریلاری داوام ائدیر

ایسرائیلین غزه یولاغینا ۷ اکتبردان بو یانا داوام ائتدیردیگی سالدیریلاردا اؤلدوروله‌ن فیلیسطینلیلرین ساییسی ۲۴ مین ۱۰۰ نفره چیخدی.

غزه‌ده‌کی فیلیسطین ساغلیق باخانلیغیندان وئریلن آچیقلامادا، ایسرائیلین غزه یولاغینا ۱۰۱ گوندور آغیر شکیلده داوام ائتدیردیگی سالدیریلار حاقیندا بیلگی وئریلدی.

آچیقلامادا، ایسرائیلین، غزه یولاغینا تشکیل ائتدیگی سالدیریلاردا، سون ۲۴ ساعاتدا ۱۳۲ فیلیسطینلینی اؤلدوردوگو، ۲۵۲ نفری یارالادیغی ایفاده ائدیلدی.

ایسرائیل گوجلرینین سون ۲۴ ساعاتدا "۱۲ قتل عام" گئرچکلشدیردیگی ایفاده ائدیله‌ن آچیقلامادا، ۷ اکتبردان بو یانا تشکیل ائدیله‌ن سالدیریلاردا اؤلدوروله‌ن فیلیسطینلیلرین ساییسینین ۲۴ مین ۱۰۰ نفره، یارالانانلارین ساییسینین ایسه ۶۰ مین ۸۳۴ نفره چیخدیغی قید ائدیلدی.

یارالیلارین بیر قیسیمینین هله ییخینتی آلتیندا یا دا یوللارین قیراغیندا اولدوغو، آمبولانس و سیویل ساوونما قروپلارینین ایسه بو شخصلره چاتابیلمه‌دیگی بیلدیریلدی.