ایران 32 اؤلکه ایله ویزانی بیرطرف‌لی قایدادا لغو ائتدی
ایران توریزمی جانلان‌دیرماق مقصدی ایله 32 اؤلکه ایله ویزانی بیرطرف‌لی قایدادا لغو ائتمک قرارینا گلدی.
ایران توریزمی جانلان‌دیرماق مقصدی ایله 32 اؤلکه ایله ویزانی بیرطرف‌لی قایدادا لغو ائتمک قرارینا گلدی.
ایرانین رسمی خبر آژانسی ایرنا-نین معلوماتینا گؤره، مدنی ارث، ال ایشلری و توریزم ناظیری عزت‌الله ضرگامی پایتاخت تهران-دا کئچیریلن ناظیرلر کابینه‌سی‌‌نین ایجلاسیندان سونرا مسئله ایله باغلی آچیقلاما وئریب.
عزت‌الله ضرگامی ناظیرلیگین توریزمی جانلان‌دیرماق اوچون بعضی اؤلکه‌لرله ویزا‌لارین بیرطرف‌لی قایدادا لغو ائدیلمه‌سی ایله باغلی حکومته تکلیفله چیخیش ائتدیگینی بیل‌دیره‌رک دئییب: "توریزم ناظیرلیگی‌نین معین ائدیلمیش اولویت لره اویغون اولا‌راق 32 اؤلکه‌یه ویزا‌لارین بیرطرف‌لی قایدادا لغو ائدیلمه‌سی تکلیفی ناظیرلر شوراسیندا تصدیقلنیب. حکومت تکلیفی قبول ائتدی و اؤلکه‌نین قاپی‌لارینی دونیایا آچماغا قرار وئردی. بو، حکومتین وئردیگی چوخ جسارت‌لی و تدبیرلی بیر قراردیر. ناظیرلیک اولا‌راق بیزیم ایشیمیز دونیا اینسان‌لاری ایله دانیشماق‌دیر. بو بیرطرف‌لی ویزانین لغوی اصلینده دونیا خالق‌لاری ایله صحبت ائتمک دئمک‌دیر".
ایران‌لی ناظیر 32 اؤلکه‌نین آدلارینی آچیقلاماییب.
قئید ائدک کی، رسمی تهران 2019-جو ایلین جولای آییندا چین‌لی توریست‌لره بیرطرف‌لی قایدادا ویزا آزادلیغی وئرمیشدی.
ایلگیلی‌لی خبرلر
نتانیاهو: حماس تسلیم اولسا ساواش بیتر
"حماس سلاح بوراخاراق تسلیم اولوب و ده اسیرلری تحویل وئرسه، ساواش یارین بیته‌بیلر"
