امیرعبداللهیان، هنیه ایله دانیشدی
"فیلیسطینده غزه یولاغی و اردن چایینین باتی ساحیلینده سون گلیشمه‌لری دانیشدیق و فیکیر آلیش وئریشی ائتدیک"
ایران خاریجی ایشلر باخانی حسین امیرعبداللهیان ایله حماس سیاسی دفتری باشقانی اسماعیل هنیه، فیلیسطینده‌کی سون گلیشمه‌لری دانیشدی.
امیرعبداللهیان، ایکس سوسیال مئدیا پلتفورموندا ائتدیگی پایلاشیمدا، هنیه ایله تلفوندا دانیشدیغینی ایفاده ائتدی.
هنیه ایله آخشام ساعاتلاریندا ائتدیگی دانیشما‌نین مضمونونا باغلی امیرعبداللهیان،
"فیلیسطینده غزه یولاغی و اردن چایینین باتی ساحیلینده سون گلیشمه‌لری دانیشدیق و فیکیر آلیش وئریشی ائتدیک" ایفاده‌سینی ایشلتدی.
امیرعبداللهیان ایله هنیه سون اولاراق ۳۱ اکتبردا، قطرین باشکندی دوحه‌ده گؤروشموشدو.
حماسین سلاحلی قانادی عزالدین قسام توغایلاری، ۷ اکتبر سحری، ایسرائیلین فیلیسطینلیلره و باشدا مسجد الاقصی اولماق اوزره قوتسال دگرلرینه قارشی داواملی پوزونتولارینا جاواب وئرمه سببی ایله گئنیش سالدیری تشکیل ائدرکن، ایسرائیل اوردوسو دا غزه یولاغینا آغیر هاوا بومباردمانی باشلاتمیشدی.
ایسرائیلین غزه‌یه قارشی سالدیریلاریندا ۹ مینه یاخین اینسان اؤلدو، ۲۲ میندن چوخ اینسان دا یارالاندی.
