زلنسکی: قاچیریلان ۲۰۰ مین اوشاغیمیزین هارادا اولدوغونو بیلمیریک

اوکراینا دؤولت باشقانی ولودیمیر زلنسکی، روسلارین اوکراینالی اوشاقلاری قاچیردیغینی سؤیله‌دی.
زلنسکی، گئتدیگی بولقاریستانین باشکندی صوفیادا، باشباخان نیکولای دئنکوو، خاریجی ایشلر باخانی ماریا گابریل و دیگر حکومت عضولریله گؤروشدو.
باشباخانلیقدا‌کی ییغینجاغین آردین‌دان دانیشان زلنسکی، روسیانین، اوکراینا خالقینا "سوی‌قیریم" تطبیق ائتدیگینی سؤیله‌دی.
روسلارین اوکراینالی اوشاقلاری قاچیردیقلارینی دا بیلدیرن زلنسکی،
"قاچیریلان ۲۰۰ مین اوشاغیمیزین هارادا اولدوغونو بیلمیریک" دئیه دانیشدی.
بولقاریستان پارلمانینین قراری چرچیوه‌سین‌ده اوکراینایا قارشی عسگری-تکنیکی کؤمک پاکتینه ده توخونان ولودیمیر زلنسکی،
"بیر سالدیری دئییل، ساوونما پاکتین‌دن دانیشیریق. اوشاقلاریمیزین دا هدف اولدوغو توپلو قیرغینلارا قارشی بیر ساوونمادان دانیشیریق. توپلار، سالدیرماق اوچون دئییل، دوشمن بیزه گلمه‌سین دئیه ایستیفاده ائدیلیر. اونلار (روسلار) وطنداشلارا آتیش ائدیرلر. بو گون ناتو عضوو اولان لهستان سرحدینه یاخین لوووداکی سیویل اینسانلاری اؤلدوردولر. هر کسین اؤزونو ساوونما حاقی وار" ایفاده‌لرینی ایشلتدی.
روسییا و اوکراینا، ۲۴ فوریه ۲۰۲۲دن بو یانا ساواشیرلار.