ایران-دا قیز اؤیرنجی لر زهرلنیب
ایرانین سقز شهرینده یئرلشن میراج قیز دبیرستانیندا تحصیل آلان اؤیرنجی قیزلارین شیمیایی گازدان زهرلندیگی ادعا ائدیلیب.
ایرانین سقز شهرینده یئرلشن میراج قیز دبیرستانیندا تحصیل آلان اؤیرنجی قیزلارین شیمیایی گازدان زهرلندیگی ادعا ائدیلیب.
سوسیال شبکهلرده یاییلان گؤرونتولره گؤره اوخولا گلن والدینلرله گوونلیکچی آراسیندا قارشیدورما یاشانیب.
اؤیرنجی لرین زهرلنمهسینه سبب اولان هوجوما اعتراض ائدن سقیز اهالیسی مکتبده آسیلمیش ایران بایراغینی ائندیرهرک، اؤلکهنین دینی لیدری علی خامنه ای علیهینه شعارلار سسلندیریبلر.
پایلاشمالاردا مکتبه گلن آمبولانس لار ایله یاناشی، والدینلرین ده اؤز ایمکانلاری ایله اوشاقلاری خستهخانالارا آپاردیقلاری موشاهیده اولونوب.
ان آزی 47 اؤیرنجینین خستهخانایا یئرلشدیریلدیگی، اونلاردان 20-دن چوخونون وضعیتینین آغیر اولدوغو ادعا ائدیلیب.
مسئله ایله باغلی رسمی آچیقلاما وئریلمهییب.
خاطیرلاداق کی، سپتامبرین 13-ده تهران-دا اخلاق پولیسی طرفیندن ساخلانیلدیقدان سونرا خستهلنهرک خستهخانایا یئرلشدیریلن 22 یاشلی مهسا امینینین سپتامبرین 16-دا وفات ائتمهسی اؤلکهده شدته سبب اولوب.
سپتامبرین 17-ده امینی اوچون مملکتی سقیزدا کئچیریلن دفن مراسیمیندن سونرا باشلایان نوماییشلر بیر چوخ شهرلره یاییلیب.
2022-جی ایل نوامبرین 30-دان ایران-دا اساساً قیز اؤیرنجی لرین تحصیل آلدیغی مکتبلرده کوتلوی زهرلنمه حاللاری باش وئریب. ایندییهدک 238 مکتبده 5 میندن چوخ اؤیرنجی قیز زهرلنیب.
اویرنجی لره تتفس چتینلیگی، اورک بولانما، باش آغریسی و بدنین موختلیف یئرلرینده اویوشما کیمی سیمپتوملار موشاهیده اولونور.
ایران ایچ ایشلر ناظیرلیگی مارسین 11-ده وئردیگی یازیلی آچیقلامادا اؤلکه داخیلینده مکتبلرده باش وئرن کوتلوی زهرلنمه حادثهلری ایله علاقهده شوبههلی بیلینن 100-دن چوخ آدامین ساخلانیلدیغینی بیلدیریب.
ایلگیلیلی خبرلر
نتانیاهو: حماس تسلیم اولسا ساواش بیتر
"حماس سلاح بوراخاراق تسلیم اولوب و ده اسیرلری تحویل وئرسه، ساواش یارین بیتهبیلر"