ایراندا اعتراض گؤستریلری داوام ائدیر
ایرانین رسمی خبر آژانسی ایرنا؛ کرج، تبریز، مشهد، کیش، کرمان، یزد، رشت، کرمانشاه، اردبیل، اصفهان، اورمیه، قزوین، زنجان، ایلام و همدان کیمی بیر چوخ شهرده گؤستریلرین تشکیل ائدیلدیگینی یازدی
ایراندا ۲۲ یاشلی مهسا امینینین "باش اؤرتوسو قایدالارینا عمل ائتمدیگی" سببی ایله گؤزآلتینا آلیندیقدان سونرا اؤلمهسی ایله باشلایان گؤستریلر داوام ائدیر.
یاری رسمی فارس خبر آژانسینا گؤره، قزوین ایالتینده ائدیلهن گؤستریلرده گؤستریچیلر، کوچهلردهکی زیبیل قابلارینی یاندیریب، سیاستچیلرین علیهینه شعارلار سسلندیردیلر.
خبرده، موتورسیکلتلی مامورلارلا حادثه یئرینه گئدن پلیس و رژیم طرفداری بسیچ عضولرینین باتوم و گؤزیاشاردیجی گازدان ایستیفاده ائدرک اعتراضچیلاری داغیتدیغی و چوخ ساییدا اعتراضچینین گؤزآلتینا آلیندیغی بیلدیریلدی.
رشت شهریندهکی گؤستریلر سیراسیندا پلیسله اعتراضچیلار آراسیندا شدتلی توققوشما باش وئردی.
اؤته طرفدن، ایرانین رسمی خبر آژانسی ایرنا؛ کرج، تبریز، مشهد، کیش، کرمان، یزد، رشت، کرمانشاه، اردبیل، اصفهان، اورمیه، قزوین، زنجان، ایلام و همدان کیمی بیر چوخ شهرده گؤستریلرین تشکیل ائدیلدیگینی، مشهدده بیر اعتراضچی قروپون بیر اتومبیلی و بیر پلیس مأمورونو یاندیرماغا چالیشدیغینی یازدی.
ایلگیلیلی خبرلر
نتانیاهو: حماس تسلیم اولسا ساواش بیتر
"حماس سلاح بوراخاراق تسلیم اولوب و ده اسیرلری تحویل وئرسه، ساواش یارین بیتهبیلر"