بمت: اوکراینا قاچقین‌لاری‌نین سایی 6 میلیونو کئچیب

فوریه‌نین 24-دن ایندییه‌دک 6 میلییون‌دان چوخ اوکراینا‌لی اؤلکه‌سینی ترک ائدیب.

بو ایستاتیستیک بمت-نین ژنو اوفیسی‌نین یایدیغی بیاناتدا سسلنیب.

بیلدیریلیب کی، سون ایستاتیستیک لره گؤره دیگر اؤلکه‌لره سیغینان اوکراینا‌لی‌لارین سایی 6 میلیون 29 مین 705 نفردیر. اونلارین 90%-نی قادین و اوشاق‌لار تشکیل ائدیر. 18-60 یاش آراسی کیشی‌لرین اؤلکه‌دن چیخیشینا ایجازه وئریلمیر.

بمت احتیمال ائدیر کی، ایلین سونونادک اوکراینا‌لی قاچقین سایی 8 میلیون نفری کئچه‌جک.