طالبان، ۱۸۹۵ عضوونو وظیفهدن آلدی
"طالبانین آدی و صلاحیتلریندن سوء ایستیفاده ائدن طالبان منسوبلارینی وظیفهدن آلما ایشلری داوام ائدیر"
افغانیستاندا طالبان رهبرلیگی، ۱۸۹۵ عضوونو وظیفهدن آلدی.
طالبان گئچیجی حکومتینین سؤزچو کؤمکچیسی انعامالله سمنگانی، سوسیال مئدیا حسابیندان وئردیگی آچیقلامادا، طالبانین آدی و صلاحیتلریندن سوء استیفاده ائدن طالبان منسوبلارینی وظیفهدن آلما ایشلرینین داوام ائتدیگینی سؤیلهدی.
بو آنا قدر توپلام ۱۸۹۵ طالبان عضوونون وظیفهسینه سون وئریلدیگینی ایفاده ائدن سمنگانی، وظیفهدن آلینانلارین آراسیندا ویلایتلردهکی بعضی طالبان ایدارهچیلرینین ده اولدوغونو ایفاده ائتدی.
وظیفهدن آلینان طالبان منسوبلارینین بعضیلرینین گؤز آلتینا آلیندیغینی وورغولایان سمنگانی، بعضیلرینین ده سورغوسونون داوام ائتدیگینی قید ائتدی.
طالبان رهبرلیگی ۷ سپتامبردا افغانیستاندا گئچیجی حکومت قورماسینین آردیندان، اؤز صفلرینی تمیزلهمه قونوسوندا بیر کمیسیون قورموش و ایشلره باشلادیقلارینی آچیقلامیشدی.
کمیسیونون وظیفهسینین، طالبانین آدیندان سوء استیفاده ائدنلرین قروپدان چیخاردیلاراق جزالاندیرماق اولدوغو بیلدیریلمیشدی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.