ایرانلی رپچی توماج صالحی یئنیدن اعداما محکوم ائدیلدی
اؤنجه اعداما محکوم ائدیلهن آنجاق داها سونرا جزاسی یوکسک محکمه طرفیندن حبسه چئوریلهن ایرانلی رپچی توماج صالحینین یئنیدن اعداما محکوم ائدیلدیگی بیلدیریلدی
ایرانلی رپچی توماج صالحی، مهسا امینینین گؤز آلتیندا ایکن حیاتینی ایتیرمهسی ایله باشلایان نگؤستریلری تشکیل ائتمک سوچلاماسییلا تکرار اعداما محکوم ائدیلدی.
سپتامبر ۲۰۲۲ده باشلایان و تخمیناً ۴ آی داوام ائدن اعتراض گؤستریلرینی تشکیل ائتمکله سوچلاناراق اعداما محکوم ائدیلهن آنجاق داها سونرا جزاسی یوکسک محکمه طرفیندن حبسه چئوریلهن ایرانلی رپچی توماج صالحینین یئنیدن اعداما محکوم ائدیلدیگی بیلدیریلدی.
ایراندا یاییملانان شرق قزئتینه دانیشان صالحینین وکیلی امیر رئیسیان، اصفهان اینقیلاب محکمهسینین یوکسک محکمهنین قرارینی تطبیق ائتمهدیگینی سؤیلهدی.
وکیل رئیسیان، "اصفهان اینقیلاب محکمهسینین ۱.جی شعبهسی، بنزری گؤرولمهمیش بیر آددیم آتاراق، توماج صالحی حاقیندا یوکسک محکمهنین حؤکمونو تطبیق ائتمهدی و آلت محکمهنین باغیمسیزلیغینی وورغولایاراق توماج صالحینی، "یئر اوزونده افساد" سوچلاماسییلا ان پیس جزا اولان اعداما محکوم ائتدی" ایفادهلرینی ایشلتدی.
رپچی صالحی، مهسا امینینین پلیس نظارتینده حیاتینی ایتیرمهسی سونراسیندا باشلایان و ۴ آی داوام ائدن گؤستریلر سیراسیندا اعتراضلارا قاتیلمیش و حرکتلری دستکلهیهن آچیقلامالار وئرمیشی. اعدام ایستهگی ایله محاکیمه اولونان صالحی حاقیندا گؤستریلر سیراسیندا شدتی و سلاحلی گوجلرله چاتیشمانی تشویق ائتدیگی ادعاسییلا اؤنجه اعدام قراری وئریلمیشدی. ایرانلی مغنینین جزاسینین داها سونرا مسئوللارلا "تأثیرلی امکداشلیق" ائتمهسی سببین ایله حبسه چئوریلدیگی بیلدیریلمیشدی.