غزه زولاغیندا مننژیت و هپاتیت سی حاللاری آشکارلانیب

ایسرائیلین هوجوملاری آلتیندا اولان غزه زولاغیندا اهالی آراسیندا مننژیت و هپاتیت سی حاللاری آشکارلانیب.

فیلیسطین صحیه ناظیرلیگیندن وئریلن یازیلی آچیقلامادا، کانالیزاسیون سولارینین داشماسی و ایچمه‌لی سو چاتیشمازلیغی سببیله ایسرائیلین هوجوملاری نتیجه‌سینده دیدرگین دوشن فیلیسطین‌لیلرین ساغلاملیق پروبلملرینین یاراندیغی بیلدیریلیب.

آچیقلامادا "بیر چوخ مننژیت و هپاتیت سی حاللاری آشکار ائدیلیب"، معلوماتینا یئر وئریلرک کوچه‌لرده و چادیرلاردا بیر چوخ اپیدمی خسته‌لیگینین یاییلدیغی و بو وضعیتین خوصوصیله اوشاقلار آراسیندا ساغلاملیق اوچون فلاکت تهلوکه‌سی یاراتدیغی خبردارلیغی ائدیلیب.

ناظیرلیگین بیاناتیندا ایلگیلی اولوسلارآراسی و اینسانی تشکیلاتلارا «ضروری و سورعتلی موداخیله‌» اوچون چاغیریش ائدیلیب.