ایران: باتی اؤلکهلری "خوشمراملیلیق" نوماییش ائتدیرجگی تقدیرده راضیلیق الده اولونا بیلر
ایرانین خاریجی ایشلر ناظیری حسین امیر عبداللهیان توییتر حسابیندان ائتدیگی پایلاشیمدا ویانادا ایران ایله آتوم راضیلاشماسینین طرفلری آراسیندا آپاریلان دانیشیقلاری دیرلندیریب.
ایران باتی اؤلکهلرینین "خوشمراملیلیق" نوماییش ائتدیرجگی تقیرده اتریش-ین پایتاختی ویانادا داوام ائدن آتوم دانیشیقلاریندا راضیلیغین الده اولونا بیله جگینی آچیقلاییب.
ایرانین خاریجی ایشلر ناظیری حسین امیر عبداللهیان توییتر حسابیندان ائتدیگی پایلاشیمدا ویانادا ایران ایله آتوم راضیلاشماسینین طرفلری آراسیندا آپاریلان دانیشیقلاری دیرلندیریب.
عبداللهیان گؤروشلرده ایرانی تمثیل ائدن باش موذاکیرچی و خاریجی ایشلر ناظیرینین معاوینی علی باقری ایله گوندهلیک تماسدا اولدوغونو و دانیشیقلارین جدیلیک و تحریم لرین لغوی کیمی اساس اونجه لیکلر ایستیقامتینده ایرلیلدیگینی بیلدیریب.
عبداللهیان "باتی خوشمراملیلیق نوماییش ائتدیرسه، یاخشی آنلاشما الده ائدیله بیلر. بیز راسیونال، اؤلچولوب-بیچیلمیش و نتیجه یؤنوملو دیالوق آختاریریق" ایفادهلردن ایستیفاده ائدیب.
ایران و آتوم سازیشی طرفلری آراسیندا سازیشین جانلاندیریلماسی و امریکا-نین راضیلاشمایا قاییتماسینین موذاکیره ائدیلدیگی یئددینجی راوند دانیشیقلار بئش آیلیق فاصیلهدن سونرا نوامبرین 29-دا داوام ائتدیریلیب. آوروپا بیرلیگینین کووردیناسیونو ایله روسیا، چین، اینگیلتره، فرانسا و آلمانیانین یئر آلدیغی دانیشیقلاردا 2018-جی ایلده سازیشدن بیرطرفلی قایدادا چیخمیش امریکا ایسه واسطهلی اولاراق ایشتیراک ائدیر.