ظریف، سس فایلی ایله باغلی دانیشدی
سس فایلینین اورتایا چیخماسینین آردین‌دان ایران‌داکی محافظه‌کار قزئتلر ظریفی هدف آلان باش‌لیقلار آتمیش، ایران مجلی‌سین‌دن ده "استعفا" چاغیریشلاری ائدیلمیشدی
ایران خاریجی ایشلر باخانی محمد جواد ظریف، ایر‌لی‌ده‌کی دؤورلرده وظیفه‌یه گله‌جک دؤولت آداملارینین ایستیفاده‌سینه سونماق اوچون ائدیله‌ن گیزلی بیر دانیشمانین اؤلکه ایچی چکیشمه و فردی تنقید قونوسونا چئوریلمه‌سینه چوخ کدرلندیگینی ایفاده ائتدی.
ظریف، اینستاگرام حسابین‌دان وئردیگی یازی‌لی آچیقلامادا، حکومت آرشیولرین‌دن اوغورلاندیغی آچیق‌لانان و خاریجی بیر مئدیا قورولوشونا سیزدیریلدیق‌دان سونرا ایران‌دا سیاستین گوند‌مینه اوتوران مصاحبه ایله باغلی دگرلندیرمه وئردی.
ایران خاریجی ایشلر باخانی،
"ایر‌لی‌ده‌کی دؤورلرده وظیفه‌یه گله‌جک دؤولت آداملارینین ایستیفاده‌سینه سونماق اوچون ۸ ایللیک تجروبه‌نی کؤچورمک آدینا دیپلوماسی و میدان فعالیتلرینین اله آلیندیغی تئوریک گیزلی بیر دانیشمانین اؤلکه ایچی چکیشمه و فردی تنقید قونوسو حالینا گلمه‌سی منی چوخ کدرلندیردی" آچیقلاماسینی وئردی.
آچیقلامادا، سپاها باغلی قدس گوجو اسکی باشچیسی قاسم سلیمانینی "تعریفله‌ین" ظریف، ۲۰ ایلده‌ن داها چوخ مدت دوستلوقلاری اولان سلیمانینی اولوسلارآراسی محفیللرده ساووندوغونو ایفاده ائتدی.
متخصصلرین دوغرو بیلدیگی قونولاردا اؤز فیکیرلرینی چکینمه‌دن دیله گتیرمه‌لری لازیم اولدوغونو، شخصی راحت‌لیق و چیخارلاری اوغرونا اوتوسانسورون خیانت معناسینیا گله‌جگینی یازان ظریف،
"۴۰ ایل بویونجا (سیاسی) تحلیللریم‌ده مجتهد و ایجرا قونوسون‌دا مقلد اولماغا چالیشدیم" ایفاده‌لرینی ایشلتدی.
اؤلکه سیاستلرینین گرچکلشدیریلمه‌سین‌ده "عسگرلر" و "دیپلوماتلارین" ساحه‌ده و دیپلوماتیک ساحه‌لرده بیر-بیرلرینی تاماملایان ایکی عنصور اولدوغونا ایشاره ائدن ظریف، اؤلکه منفعتلرینی و ایران خالقینی قوروماق اوچون وئردیگی سؤزه باغلی قالدیغینی قید ائتدی.
ظریف، سس فایلیندا یئر آلان، "روسیانین نوکلئر آنلاشمانی انگلله‌مه‌یه چابالاری ایله" باغلی آچیقلامالارینا ایسه توخونمادی.
لندن‌دن فارسجا یاییملانان ایران اینترنشنال، گئچه‌ن گونلرده، ایرانلی اقتصادچی سعید لیلازین ظریفله مارس آیین‌دا ائتدیگی صحبتین ۳ ساعات داوام ائدن سس فایلیندان بیر بؤلومونو یاییملامیشدی.
ایران خاریجی ایشلر باخانلیغی سس فایلینی دوغرولامیش آنجاق صحبتین یایینلانماق اوچون دئییل، آرشیو اوچون ائدیلدیگینی آچیقلامیشدی.
ظریف، صحبت‌ده ایچ و خاریجی سیاستله باغلی اؤنملی آچیقلامالار وئرمیش، سپاها باغلی قدس گوجو اسکی باشچیسی سلیمانینی خاریجی ایشلر دیپلوماسی‌سینی یؤنلندیرمه‌سی سببیله تنقید ائتمیش و "روسیانین نوکلئر آنلاشمانی انگللمه‌یه چالیشدیغینی" دیله گتیرمیشدی.
سس فایلینین اورتایا چیخماسینین آردین‌دان ایران‌داکی محافظه‌کار قزئتلر ظریفی هدف آلان باش‌لیقلار آتمیش، ایران مجلی‌سین‌دن ده "استعفا" چاغیریشلاری ائدیلمیشدی.
