ایران و گونئی کره راضیلیغا گلیبلر

ایران و گونئی کره امریکانین تحریم لری اوزوندن گونئی کره بانک‌لاریندا بلوک ائدیلن ایرانا مخصوص پول لارین ایستیفاده‌سیله باغلی راضیلیغا گلدی‌لر.

ایران مرکزی بانکی ایداره هئیتی‌نین صدری عبدالناصر همتی و گونئی کره-نین ایران-‌داکی سفیری ریو جونگ هیون پایتاخت تهران-دا سؤزوگئدن مؤوضوع ایله باغلی گؤروشوب‌لر.

ایرانین "تنسیم" خبر آژانسی‌نین بیلدیردیگینه گؤره، گؤروش گونئی کره-نین ایران سفیرلیگی‌نین ایستیی ایله رئاللاشیب. صحبت زامانی ایرانین بلوک ائدیلن پول لارینین ترانسفری و بیر قیسیمی‌نین ایستیفاده‌سیله باغلی راضیلیغا گلینیب.

ایران مرکزی بانکی‌نین صدری عبدالناصر همتی رسمی سئول حکومتی‌نین رفتار دییشیک‌لیگینی ممنونیتله قارشیلادیغینی بیدلیریب.

گونئی کره-نین ایران سفیری ریو جونگ هیون دا اؤز نؤوبه‌سینده اؤلکه‌سی‌نین ایرانا عایید بوتون پول‌لاری ایستیفاده ائتمه‌سی اوچون لازیمی آددیم‌لار آتماغا حاضیر اولدوغونو ایفاده ائدیب.

خاطیرلاداق کی، ایران گونئی کره و موختلیف اؤلکه‌لرده اولان مالیه وارلیغینی امریکانین تحریم لری سببیندن بلوک ائدیلدیگی اوچون ایستیفاده ائده بیلمیر.

2021-جی ایلین 5 ژانویه ده ایران پرزیدنت آپاراتی‌نین سؤزچوسو علی ربیعی گونئی کره حکومتینی ایرانا عایید 7 میلیارد دو‌لاردان چوخ پولو گیروو توتماقدا گوناهلاندیرمیشدی.