استولتنبرگ، ناتو-نون افغانیستان-دان چکیلمه‌سی ایله باغلی آچیقلاما وئریب

ناتو باش کاتیبی ینس استولتنبرگ، ناتو-نون افغانیستان-‌دان “واختی چاتاندا” چیخاجاغینی بیلدیریب.

استولتنبرگ ویدئوکنفرانس فورماتیندا کئچیریلن و تورکیه-‌نین میللی ساوونما ناظیری حولوصی آکار طرفیندن تمثیل ائدیلدیگی "ناتو ساوونما ناظیرلری" ییغینجاغی‌نین ایلک ایجلاسیندان سونرا تشکیل ائتدیگی مطبوعات کنفرانسیندا ناتو-نون افغانیستان-‌دان نه زامان چیخاجاغینا دایر عنوان‌لانان سوالا "ناتو-نون افغانیستان-‌داکی مؤوجودیتی شرط‌لی‌دیر. طالبان عهده ‌لیک‌لرینه عمل ائتمه‌لی‌دیر"-دئیه جاواب وئریب.

ناتو-نون افغانیستان باریش پروسه سینه دستک وئردیگینی ایفاده ائدن استولتنبرگ، واختی چاتاندا افغانیستان-‌دان چیخا‌جاق‌لارینی، حاضیردا اساس مسئله‌نین باریش پروسه‌سی و دانیشیق‌لاری نئجه دستکلمک اولدوغونو، متفیق‌لرین مصلحت لشدیک‌لرینی و بیرلیکده قرار وئره‌جک‌لرینی، اساس مؤوضوع نون شدتین آزالدیلماسی و القاعده کیمی اولوسلار آراسی ترور قروپلاشمالاریندان‌ اوزاقلاشدیریلماسی اولدوغونو قئید ائدیب.