خفتره قوه‌لرینه سلاح داشییان طیاره وورولوب

لیبیا-داکی میللی هم رای‌لیک حکومتینه باغلی حربی حیسه‌لر غیری-قانونی سلاح‌لی قوه‌لرین باشچی‌سی خلیفه خفتره صادق قوه‌لره سلاح- مهمات داشییان حربی طیاره نین هدف آلیندیغینی بیلدیریب.

میللی هم رای‌لیک حکومتی‌نین سؤزچوسو سرهنگ محمد قانونی نین نظارتینده اولان و حکومت طرفیندن حیاتا کئچیریلن "غضب وولکانی" عملیاتی مطبوعات مرکزی‌نین "فیسبوک" صحیفه‌سینده یئر آلان آچیقلامادا حکومت قوه‌لری‌نین طرابلس-ون گونئی ینده کی ترهون شهری یاخین‌لیغینا ائندیک‌دن درحال سونرا حربی طیاره‌نین وورولدوغو بیلدیریلیب.

"غضب وولکانی" عملیاتی‌نین سؤزچوسو مصطفی المجی بوندان اول حکومت قوه‌لری‌نین طرابلس-ون گونئی ینده کی عین زاره و وادی الرّبیع بؤلگه‌لریندکی خفتر میلیس‌لرینه قارشی ایرلیلییش‌لر الده ائتدیگینی سؤیله‌ییب.