مایک پمپئو: "خامنه ای یالان دانیشیر"
مایک پمپئو "خامنه اینین سؤیله دیگی یالانلار اینسانلارین حیاتینا تهلوکه یارادیر" باشلیقلی یازیلی بیانات یاییب.
امریکانین خاریجی ایشلر ناظیری مایک پمپئو ایرانین دینی لیدری آیت الله علی خامنه اینین کروناویروسون یئنی نوونده (کووید-19) باش وئرن حادثهلر و اؤلوملر ده داخیل بیر چوخ معلوماتی دونیادان گیزلتدیگینی ایرهلی سوروب.
مایک پمپئو "خامنه اینین سؤیله دیگی یالانلار اینسانلارین حیاتینا تهلوکه یارادیر" باشلیقلی یازیلی بیانات یاییب.
بیاناتیندا کووید-19 اوچون "ووهان ویروسو" ایفادهسیندن ایستیفاده ائدن پمپئو خامنه اینین دونیادان گیزلتمه یی اوستون توتدوغو بعضی حقیقتلری آچیقلایاجاقلارینی قئید ائدیب.
ایران-ین خصوصی هاوا یولو شیرکتی ماهان ایر-ین کئچن آی تهران-چین خطینده ان آز 55 اوچوش رئاللاشدیردیغینی بیلدیرن پمپئو ان آز 5 اؤلکهدکی ایلک کووید-19 یولوخماسینین ایراندان قایناقلاندیغینی ایرهلی سوروب.
پمپئو ایرانی میلیونلارلا اینسانین حیاتینی تهلوکه ایله اوزلشدیرمکده اتهام ائدیب.
"ایران رژیمی اؤزونون ساغلیق رسمی لرینین خبردارلیقلارینا قولاق آسمادی و ان آز 9 گون عرضینده ایلک کروناویروس اؤلومونو انکار ائتدی. ایران ویروسلا علاقهلی یولوخما حاللاری و اؤلوملرله علاقهدار اؤز خالقینا و دونیایا یالان دانیشماقدا داوام ائدیر. تأسف کی، حقیقی رقملر رژیمین آچیقلادیقلاریندان چوخدور" دئیه پمپئو قئید ائدیب.
پمپئونون ایرانین 2012-جی ایلدن بری خاریجدکی ترور قایناقلارینا 16 میلیارد دولار خرجلدیگینی ادعا ائدیب.
پمپئو "ایران رژیمی طبی قایناقلارا خرجلنمهلی اولان بیر میلیارد یورودان چوخ پولو اوغورلادی. بونونلا یاناشی، ایندی ان لازیم اولان ماسک لار، الجکلر و دیگر طبی لوازیماتلاری قارا بازاردا ساتماق اوچون ساخلاییر" ایفاده سینی ایشلدیب.
امریکانین ایرانا قارشی تطبیق ائتدیگی تحریم لرین ارزاق، طبی لوازیماتلار، داوا و دیگر اینسانی یاردیم مادهلرینی احاته ائتمه دیگینه دقت چکن مایک پمپئو ایران طب شیرکتلرینین ژانویه آییندان اعتباراً تست کیت لرینی وارد ائده بیلدیکلرینی قئید ائدیب.
خاریجی اؤلکهلره، او جملهدن ایرانا 100 میلیون دولارلیق طبی یاردیم تکلیف ائتدیکلرینی خاطیرلادان پمپئو "خامنه ای
بو تکلیفی رد ائتدی چونکی کومپلو تئوری لری حاضیرلاماق اوچون یورولمادان جهد گوستردیگی و اؤز ایدئولوژیسینی، ایران خالقی نین ماراق لارینین اونونده توتور، دئیه بیلدیریب
ایلگیلیلی خبرلر
میرزویان: بایراموولا ائدیلن گؤروشمه مثبت هاوادا گئچدی
"اؤزللیکله ایلک مرحلهده آذربایجان ایله دمیریولو باغلانتیسینین یئنیدن قورولماسییلا ماراقلانیریق"