"کسینلیکله ایران طرفیندن دستکلندی"
سالدیریدا ۱۸ سلاحلی اینسانسیز هاوا آراجی ایله ۷ کروز موشکی ایستیفاده ائدیلدیگی بیلدیریلدی
سعودی عربستان، میللی نفت شیرکتی سعودی آرامکویا قارشی سالدیریدا ایران یاپیمی سلاحلی اینسانسیز هاوا آراجلاری (سیها) ایستیفاده ائدیلدیگینی و سالدیرینین "کسینلیکله ایران طرفیندن دستکلندیگینی" آچیقلادی.
سعودی عربستانا عاید العربی کانالینین خبرینه گؤره، مطبوعات کنفرانسی گئچیره‌ن ساوونما باخانلیغینین سؤزچوسو تورکی المالکی، بونلاری دئدی:
"آرامکویا قارشی سالدیریدا ایران مالی دلتا وینگ تیپی سیهالار قوللانیلدی. سالدیری قوزئیدن گونئیه ائدیلدی و کسینلیکله ایران طرفیندن دستکلندی. ایران، یمن‌ده‌کی وکیللری یولو ایله سعودی عربیستان‌داکی وطنداشلارا ائدیله‌ن سالدیریلارین آرخاسین‌دادیر. شیرکتین بقیق و خریص تاسیسلرینه قارشی سالدیریلار، یئنه ایرانین آرخاسین‌دا اولدوغو اؤنجه‌کی سالدیریلارین داوامیدیر".
سالدیرینین تکجه سعودی عربستان دئییل، اولوسلارآراسی توپلوم و انرژی گوونلیگینی ده هدف آلدیغینی قید ائد‌ن مالکی، ایرانین بؤلگه‌ده‌کی فعالیتینه قارشی اولوسلارآراسی توپلوما سسلندی.
سالدیریدا ۱۸ سیها ایله ۷ کروز موشکی ایستیفاده ائدیلدیگینی قید ائد‌ن مالکی، آرامکو تاسیسلرینه ایرانین "یا علی" تیپی کروز موشکلری آتیلدیغینی دئدی.
سیهالار و موشکلرین گؤندریلدیگی نقطه‌نین تام اولاراق معینلشدیریلمه‌سی اوچون اولوسلارآراسی کاناللار یولو ایله ائدیلن سوروشدورمانین داوام ائتدیگینی دیله گتیره‌ن مالکی، توپلانتیدا آرامکو تاسیسلرینه آتیلان موشک قالیقلارینی دا گؤستردی.
مالکی سعودی عربستانین ساوونما گوجو و توتومونون جدیه آلینماسی لازیم اولدوغونو وورغولایاراق، داها اؤنجه حوثیلرین آتدیغی ۲۰۰دن چوخ بالیستیک موشکی ائتکیسیز حالا گتیردیگینی قید ائتدی.
ایلگیلی‌لی خبرلر
نتانیاهو: حماس تسلیم اولسا ساواش بیتر
"حماس سلاح بوراخاراق تسلیم اولوب و ده اسیرلری تحویل وئرسه، ساواش یارین بیته‌بیلر"
