Төрeк мaтбугaтынa күзәтү - Törek matbuğatına küzätü 24.06.2022
24нчe июньдә бaсылып чыккaн кaйбeр төрeк гaзeтлaрынa күзәтү / 24nçe iyündä basılıp çıqqan qayber törek gazetlarına küzätü
“Xörriyät” gazetı: "Çavuşoğlu: “Aşlıq koridorı öçen konstruktiv rol’ne üz östenä alabız”"
Tışqı êşlär ministrı Mäwlüt Çavuşoğlu Törkiyägä räsmi säfär belän kilgän Angliya tışqı êşlär ministrı Lizz Truss belän oyıştırğan urtaq matbuğat oçraşuında: "Bez Qara diñgezdäge aşlıq koridorı öçen Törkiyä bularaq konstruktiv rol’ne üz östenä alabız. Rusiyädän İstanbulda planlaştırılğan cıyılış öçen uñay cawap kötäbez”, - dip äytte.
“Yäni Şafak” gazetı: "Çavuşoğlu: “İzrail belän diplomatik wäkillek däräcäsen ilçe statusına kütärü êşçänlegen başlattıq”"
Tışqı êşlär ministrı Çavuşoğlu, İzrail belän Törkiyä Tışqı êşlär ministrlıqları arasındağı ike yaqlı säyäsi häm regional’ kiñäşmälärneñ möhim buluın belderep: "Diplomatik wäkillek däräcäbezneñ dä tulı wäqalätle ilçe statusına kütärelüe öçen êşçänlekne başlattıq", - dide.
“Sabah” gazetı: "Oktay: “Bez Tön'yaq Kipr Törek Cömhüriyäteneñ böten oyışmaları belän bergä köçäyüenä bik zur ähämiyät biräbez” "
İlbaşı urınbasarı Fuat Oktay, Tön'yaq Kipr Törek Cömhüriyäteneñ totrıqlılıq êçendä üsep, böten oyışmaları belän bergä köçäyüenä bik zur ähämiyät birülären belderep, Kipr törekläreneñ 1571nçe yıldan birle töp xalqı bulğan üz cirlärendä suverenlığın nığıtuı öçen tulısınça yaqlawların äytte.
“Xäbär Türk” gazetı: "“Bayraktar Akıncı” biyıklek rekordın öçençe tapqır quydı”
“Baykar” tarafınnan milli mömkinleklär belän qamilläşterelgän “Bayraktar AKINCI TİHA” keşesez höcüm hawa apparatı milli aviaśiya biyıklege rekordın tağın ber qat quydı. “Bayraktar AKINCI TİHA”, üz rekordın uzıp, 13 meñ 716 metr biyıklekkä kütärelde.
“Star” gazetı: "Awrupadan Törkiyägä soraw-taläp arta”
Törkiyä ğomum ayaq kiyıme federaśiyäse başlığı Äxmät Aydan törek ayaq kiyımnäreneñ sıyfatı arqasında Awrupa illärennän soraw-taläp aluların belderep: "Xäzerge waqıtta bigräk tä İspaniyadan, Portugaliyadan, Franśiyadan, Niderlandtan, Bel’giyadan zur külämdä soraw-taläp bar”, - dip äytte.
