Törek matbuğatına küzätü 26.04.2024

“Habertürk” gazetı yazğança Törkiyä tışqı êşlär ministrlığı 1915 yılğı waqıyğalarnı genośid bularaq qabul itkän Çili parlamentına reakśiya belderde. Ministrlık tübändäge belderüne yasadı: “Qararnı yuq dip sanıybız. Parlamentlar tarixka añlatma yasaw belän wäqalätle tügel.”

“Star” basması beldergänçä Törkiyäneñ BMO daimi wäkile, ilçe Äxmät Yoldız “PKK/YPG” terror oyışmasınıñ Süriyäneñ kiläçägendä urını bulmawın belderde.

“Hürriyet” gazetı xäbärenä kürä Milli saqlanu ministrlığınnan yasalğan belderügä kürä Ğıyraq häm Süriyäneñ tön’yağı belän ber rättän soñğı ber atnada 54, 1 ğıynwardan başlap bügengä qadär isä 360ı Ğıyraqnıñ, 442ese isä Süriyäneñ tön’yağında bilgelängän barlığı 802 terrorçı täêsirsez xälgä kiterelde.

“Sabah” basması citkergänçä Törkiyä ilbaşı urınbasarı Cäwdät Yılmaz Törkiyä iqtisadınıñ global’ häm regional’ awırlıqlarğa qaramastan tiskäre barışlarnı uzdırıp cibärüen, 14 kvartal buyı üsärgä däwam itüen äytte. Ministr Yılmaz üseş kürsätkeçe cähatennän Törkiyäneñ 2023 yılda Awrupa Berlege illäre belän İqtisadi üseş häm xezmättäşlek oyışması illäre arasında isä ikençe buluın assızıqladı.

“Yenişafak” gazetı yazğança Sälamätlek saqlaw ministrı Faxrettin Koca Törkiyäneñ vakśina citeşterü bazası öçen êşçänleklärneñ tizlek belän baruın belderep: “50 meñ kvadrat metrlık yabıq mäydanda xezmät kürsätäçäk Hıfzıssıhha-Törkiyä vakśina häm biotexnologik êşlänmä tikşerenü häm citeşterü üzägeneñ berençe tözeleş êtabı ozaqlamıy tamamlana,” – dide.