Törek matbuğatına küzätü 25.04.2024

“Vatan” gazetı Ärdoğannıñ “Terrorçılıqqa qarşı köräştä yärdäm kötäbez” digän belderüen alğı planğa çığara.

Törkiyä ilbaşı Räcäp Tayyip Ärdoğan Germaniyä däwlät başlığı Frank-Val’ter Ştaynmayer belän oçraşudan soñ oyıştırğan matbuğat cıyılışında “PKK”, “FETO” häm keşelärneñ tınıçlığın beterüçe başqa terrorçı oyışmalarğa qarşı köräş mäs’äläsen dä kütärülären äytte häm “Terrorçılıqqa qarşı köräştä Germaniyä dairälärennän tağın da kübräk teläktäşlek kötüebezne citkerdem”,-dide.

“Hürriyet” gazetı ilbaşı Ärdoğannıñ 1915nçe yıl waqıyğaları belän bäyle yullamasına urın birä.

İlbaşı Ärdoğan Törkiyä ärmännäre patriarxı Saak Maşalyanğa cibärgän yullamasında bolay di: “Ber genä ärmän watandaşıbıznıñ da çitläşterelüenä, êtärelüenä, üz ilendä ikençe sıynıf şikelle xis itüenä yul quymadıq häm quymayaçaqbız. Tarixta bulğannarnı radikal’ söylämnär, çitläşü, näfrät telenä küçmiçä, aqıl, vöcdan häm fän yärdämendä qaraw ähämiyätle”.

“Habertürk” gazetı Zängäzur koridorı belän bäyle xäbärgä tuqtala.

Törkiyä transport häm asqorma ministrı Abdulqadıyr Uraloğlu bolay dide: “Törkiyä belän Azärbaycan arasında turıdan-turı timer yul häm cir yulı belän täêmin itäçäk Zängäzur koridorı Törkiyä belän Urta Aziya arasında yaña bäyläneş barlıqqa kiteräçäk”.

“Yenişafak” gazetı Törkiyäneñ ciläk-cimeş citeşterüdäge uñışı xaqında citkerä.

Texnologiyä platforması “GeeksforGeeks” bıyılnıñ mart ayında dön’yada iñ küp ciläk-cimeş citeşterüçe illär isemlegendä Törkiyäne yıllıq 25 million tonna belän dürtençe urınğa quydı.

“Sabah” basması İstanbul aêroportınıñ Awrupada iñ tığız êşläwçe buluı turında yaza

İstanbul aêroportı 8nçe aprel’dän 14enä qadär çorda urtaça 1428 oçış belän Awrupanıñ iñ tığız êşläwçe aêroportı bularaq terkälde.