Törek matbuğatına küzätü 17.05.2022
17 nçe may könne basılıp çıqqan qayber törek gazetlarına küzätü
”Star” gazetı Törkiyä belän Aljir arasında 15 kileşü imzalanuı turında yaza. Änkarağa räsmi säfär belän kilgän Aljir ilbaşı Abdulmäcid Täbbun belän Törkiyä ilbaşı Räcäp Tayyip Ärdoğan qatnaşında Törkiyä –Aljir mönäsäbätlären nığıtaçaq taw sänäğäte, êkologiya, mäğarif, mädäniyät häm saqlanu sänäğäte ölkälärendä 15 kileşügä qul quyıldı.
”Haber Türk” basması citkergänçä, Törkiyä ilbaşı Ärdoğan NATO äğ’zası bulırğa telägän Finlyandiya häm Şveśiyäneñ terrorğa qarşı totışları açıq tügellegen belderep, ”Monnan tış, bezgä sankśiyälär kertüçelärgä “äye” dip äytä almıybız” dide.
”Hürriyet” basması xäbär itkänçä, Törkiyä tışqı êşlär ministrı Mävlüt Çavuşoğlu NATO ğomum särqätibe Yens Stoltenberg belän telefonnan söyläşte. Stoltenberg söyläşüdän soñ belderü yasap, “Törkiyä möhim berlektäş häm anıñ qurqınıçsızlıq şik - borçuları beterelergä tiyeş” dide.
”Yeni Şafak” gazetı Şveśiya terrornı xuplawın däwam itä dip yaza. Törkiya NATO äğ’zalığına uñay qaramağan Şveśiyädä “PKK” separatist terror oyışmasına yaqlaw kürsätü çaraları däwam itä. Kiçä başqala Stokgol’mnıñ iñ mäşhür uramı Kungsgatanda zur “PKK” çüpräge êldelär. Poliśiya çaralarğa qomaçawlamadı.
“Sabah” gazetı citkergänçä, “Törek hawa yulları” aviakompaniyäseneñ sub-brendı “Anadolujet” İstanbuldağı Sabiha Gökçän aêroportınnan İtaliyäneñ Milan Bergamo hawa mäydanına oçışların başlap cibärde. Oçışlar atnağa 7 kön bulaçaq.
