Төрeк мaтбугaтынa күзәтү - Törek matbuğatına küzätü 21.01.2022
21нчe гыйнвардa бaсылып чыккaн кaйбeр төрeк гaзeтлaрынa күзәтү / 21nçe ğinwarda basılıp çıqqan qayber törek gazetlarına küzätü
“Sabah” gazetı: “Ärdoğannan urtaq matbuğat oçraşuında açıqlawlar”
İlbaşı Räcäp Tayyip Ärdoğan kiçä Êl’ Sal’vador Däwlät başlığı Nayib Bukele belän urtaq matbuğat oçraşuında Rusiyä-Ukraina kiyerenkelege belän bäyle bularaq: "Telägebez – tiz arada xörmätle (Rusiyä İlbaşı Vladimir) Putin belän (Ukraina Däwlät başlığı Vladimir) Zelenskiyne oçraştıru, qara-qarşı söyläşü ütkärülären täêmin itü”, - dip äytte.
“Xäbär Türk” gazetı: “Çavuşoğlunnan Kipr grek töbägenä reakśiya”
Tışqı êşlär ministrı Mäwlüt Çavuşoğlu Kipr grek citäkçelegeneñ “PKK” separatist terror oyışmasınıñ güya säyäsi törkeme bulğan “PYD”gä Kipr grek töbägendä wäkilçelek açu röxsäten birüe belän bäyle bularaq: "Terror oyışmalarına ofis açu, alarnı qabul itü ut belän uynaw. Biredä ofis açularına röxsät birälär, irtägä biredän Törkiyägä nindi dä bulsa ber yanaw bulsa, Kipr töreklärenä qarşı höcüm bulsa, monıñ bäyäsen tülättererbez, bu bäyä bik awır bäyä bulır. Ut belän uynamasınnar, terror oyışmaları belän xezmättäşlek urnaştırmasınnar”, - dip äytte.
“Xörriyät” gazetı: “Ministr Koca: “Dön’yada täwge tapqır bulaçaq” diyep citkerde”
Sälamätlek saqlaw ministrı Fahrettin Koca: "2 doza “BioNTech” vakśinasınnan soñ 1 doza “Turkovak” vakśinası êşçänlegen başlatabız. mRNA östenä innaktiv vakśina êşçänlege dönyada täwge tapqır bulaçaq”, - dip äytte.
“Star” gazetı: “Törkiyä bazasına 6nçı säfär”
Antarktikağa ike könnän soñ altıncı säfärneñ yasalaçağın belderüçe Sänäğät häm texnologiya ministrı Mustafa Varank: “Belüegezçä, 2017nçe yıldan birle qıytğağa 5 fänni säfär oyıştırdıq. İnşallah, ike könnän soñ 20 keşelek törkem belän 6nçı säfärebezgä çığaçaqbız”, - dip äytte.
“Watan” gazetı: “Angliyada Ğosmanlı padişaxlarınıñ kartinaları 1 million 346 meñ sterlingqa satıldı”
Şotlandiyada buınnan buınğa ber ğailädä bulğan häm öyneñ tübä qatında tabılğan Ğosmanlı padişaxına qarağan maylı buyawlı kartinalar kötelgännän tağın da qıybatraqqa 1 million 346 meñ sterlingqa (24 million yarım törek lirasına) satıldı.
