Төрeк мaтбугaтынa күзәтү - Törek matbuğatına küzätü 07.01.2022
7нчe гыйнвардa бaсылып чыккaн кaйбeр төрeк гaзeтлaрынa күзәтү / 7nçe ğinwarda basılıp çıqqan qayber törek gazetlarına küzätü
“Xörriyät” gazetı: “Törkiyä Qazaqstan mäs’äläsendä aktiv”
İlbaşı Räcäp Tayyip Ärdoğan Qazaqstan Däwlät başlığı Qasım Cömärt Toqayev belän ber rättän Törki däwlätlär oyışmasına äğ’za il liderları belän ütkärgän telefon söyläşülärendä Qazaqstandağı soñğı täräqqıyätlär turında fiker alıştı. Qazaqstanda yaña xökümätneñ tiz arada tözelüen häm kiyerenkelekneñ qısqa waqıtta betüen teläwçe Ärdoğan Qazaqstan xalqınıñ ike yaqlı ışanıç häm dialog qısalarında problemalarnı xäl itäçägenä ışanuın belderde.
“Sabah” gazetı: “Milli xärbi oçqıç 2023tä angardan çığaçaq”
İlbaşı Ärdoğan milli reaktiv oçqıç belän bäyle söyeneçne citkerde. Ärdoğan: "Milli xärbi oçqıçıbıznı 2023nçe yılda angardan çığarıp böten dönyağa kürsätäçäkbez. Xälitkeç höcüm köçebez 2025nçe yılda berençe oçışın başqaraçaq, 2029nçı yılda da kük yözendä üz urının alaçaq”, - dip äytte.
“Xäbär Türk” gazetı: “Törkiyä keşesez hawa apparatları citeşterüendä berençe öçlektä”
İlbaşı Ärdoğan qamilläşterelgän cirle hawa saqlanu sistemalarında älegä “Hisar”larnı yasawların, yaqın waqıtta “Siper”lärne häm tağın da kübrägen tämamlayaçaqların äytte. Ärdoğan Törkiyäneñ keşesez hawa apparatların êşläp çığaruda monnan arı dönyanıñ berençe 3 ile arasında buluın belderde.
“Star” gazetı: “Törkiyädän İzrail belderüe”
Tışqı êşlär ministrlığı Qudüs-Yerusalim şähär xakimiyätenä bäyle Töbäk planlaştıru häm tözeleş komitetınıñ yaw astındağı Könçığış Qudüstä 3 meñ 557 yaña toraq punktnı üz êçenä alğan 5 bistä planın raslawın gäyepläde. Ministrlıqtan yasalğan yazma belderüdä basıp alınğan Fälästin cirlärendä İzrail tarafınnan salınğan toraq punktlarnıñ Berläşkän Millätlär Oyışması qararları belän bergä xalıqara xoquqqa qarşı buluı iskä töşerelde.
“Yäni Şafak” gazetı: “78 vilayät êksportın arttırdı”
Törkiyäneñ 225 milliard dollarlıq 2021nçe yıl êksport uñışınıñ artında “Anadolu yulbarısları” dip belengän şähärlärebezneñ zur öleşe bar. 78 vilayät êksportın arttırdı. 48 vilayät isä ber yıllıq êksport rekordın quydı. 16 şähär êksportın 50%tan kübräk arttırdı. 4 milliard dollar êksport yasalğan Hatayda qorıç säwdäse alğı planda. 1 milliard 300 million dollar belän Qahramanmaraşta tekstil’ häm timer tarmağınıñ uñışı kürenä.
