Törek matbuğatına küzätü 25.11.2021

“Xörriyät” gazetı yazğança Törkiyä ilbaşı Räcäp Tayyip Ärdoğan Törkiyägä säfär yasağan Abu-Dabi täxet warisı, prinŝ Şäyex Möxämmäd bin Zayed Al Naxyan belän küreşte. Söyläşüdän soñ Törkiyä belän Berläşkän Ğaräp Ämirlekläre arasında turıdan investiŝiyalärne üz êçenä aluçı 9 ölkädä kileşülärgä qul quyıldı.

“Yeni Şafak” basması beldergänçä Törkiyä saqlanu sänägätendä milliläşterelgän F-16 xärbi oçqıçlarnı seriyale citeşterü başlana. Dus häm berlektäş illär belän êksportqa qarağan söyläşülär alıp barıla.

“Xäbär türk” gazetı xäbärenä kürä Törkiyäneñ Transport häm asqorıma ministrı Adil Karaismailoğlu Türksat 5B iyärçeneneñ dekabr’ azağında AQŞnıñ Florida ştatında urnaşqan Keyp Kanaveral bazasınnan Falkon 9 raketası belän oçırtunıñ planlanuın açıqladı.  

“Star” basması citkergänçä Törki xezmättäşlek häm koordinaŝiya räislege TİKA Äfğanstan başqalası Qabulda Alaaddin balalar yortına azıq-tölek häm çistartu äyberläre belän yärdäm kürsätte. Balalar yortlarınnan cawaplı mödir yärdämçese Azize Azizi TİKAğa räxmäten belderde.

“Sabah” gazetı yazğança Törkiyäneñ Söläyman balığı êş törkeme başlığı Osman Parlak pandemiyağa qaramastan berençe 10 ayda 18 ilgä barlığı 120 million 946 meñ 674 dollarlık êksportnıñ çınğa aşırıluın äytte. Osman Parlak êksportnıñ 80%ın Rusiyägä başqaruların belderde.