Төрeк мaтбугaтынa күзәтү - Törek matbuğatına küzätü 22.06.2021
14нче июньдә бaсылып чыккaн кaйбeр төрeк гaзeтлaрынa күзәтү / 14nçe iyündä basılıp çıqqan qayber törek gazetlarına küzätü
“Sabah” gazetı: "Ärdoğan Kabinet cıyılışı qararların açıqladı"
İlbaşı Räcäp Tayyip Ärdoğan kiçä Kabinet cıyılışınnan soñ yasağan belderüendä Törkiyädä 1nçe iyül’dän başlap uramğa çığu tıyuların (kommendat säğäten) tulısınça beterülären äytte. Ärdoğan “Kovid-19” vakśinaśiyäläw programması belän bäyle bularaq "Bez soñğı ber atnada xalıq sanına qarağanda dönyada iñ küp vakśina yasattırğan il wazğiyätendä”, - dip äytte.
“Xörriyät” gazetı: "Germaniyadan Törkiyä belderüe"
Germaniya tışqı êşlär ministrı Heiko Maas Awrupa Berlege belän Törkiyä arasındağı immigraśiya kileşüeneñ yañartıluın taläp itte. Maas “Welt” gazetına yasağan açıqlawında: "Törek xökümäte belän bulğan böten awırlıqlarğa qaramastan bu ilneñ ähämiyätsez dip kürenmäyäçäk immigraśiya yöken bezneñ öçen üz östenä aluın qabul itärgä kiräk”, - dip äytte.
“Star” gazetı: "Bez Törkiyä belän urtaqlıqqa äzer"
Ukraina däwlät ğaläm agentlığı başlığı Volodimir Taftay Törkiyä belän saqlanu sänäğätendä bulğanı kebek ğaläm ölkäsendä dä şaqtıy proyektnı alıp bara alaçaqların belderde. Taftay, Törkiyäneñ Ukraina öçen östenlekle partnyor buluın belderep, xezmättäşlekneñ nığıtıluı belän Ukrainanıñ häm Törkiyäneñ kosmik raketanı häm iyärçenne cibärä alaçağın citkerde.
“Watan” gazetı: "Keşesez qorallı diñgez transportınıñ massaküläm citeşterelüenä başlana"
Saqlanu sänäğäte başlığı İsmail Dämir zäñgär watan saqlanuında kritik rol’ne üz östenä alaçaq cirle citeşterü bulğan keşesez qorallı diñgez transportınıñ massaküläm citeşterüenä başlanacağın citkerde. Dämir çiratta başqa modellärneñ dä buluın äytte.
“Xäbär Türk” gazetı: "Hakan Çalhanoğlu “Inter”gä küçä"
“Milan” belän kileşüe betkän milli futbolçı Hakan Çalhanoğlu “Serie A'”nıñ soñğı çempionı “Inter” belän kileşte. Hakan sälamätlek kontrolennän soñ üzen 3+1 yıllığına yaña taqımğa bäyläyäçäk kileşügä qul quyaçaq.
