Törek matbuğatına küzätü 21.06.2021
Qayber törek basmalarına küzätü
“Star” gazetı yazğança Törkiyä ilbaşı Räcäp Tayyip Ärdoğan Bötendön’ya qaçaqlar köne uñayınnan yullama yasap: “Qaçaqlar häm sıyınuçılarnı küçep kitärgä mäcbür itkän säbäplärne beterü, bäreleşlär häm totrıqsızlıqlarnı tuqtatu häm bu keşelärneñ öylärenä qaytuı öçen tırışlıq quyu şart,” – dide.
“Xörriyät” basması beldergänçä Greŝiya tışqı êşlär ministrı Nikos Dendiasnıñ “Törek höcümçelegen Törkiyäneñ üzenä qarşı qoral bularaq qullandıq” süzlärenä Törkiyädän cawap kilde.
Xäbärdä tışqı êşlär ministrı Mäwlüt Çavuşoğlunıñ tübändäge süzläre urın ala: “Greŝiyaneñ qotırtulardan, provokaŝiyadan waz kiçüe kiräk.”
“Xäbär türk” gazetı citkergänçä Ukraina tışqı êşlär ministrı Dmitro Kuleba ukrainalılarnı yal itärgä Antaliyağa çaqırdı. Kuleba: “Ukrainalı turistlar diñgezdä qoyınıp, Törkiyäneñ borınğı tarixı belän tanışa alaçaq,” – dide.
“Sabah” basması xäbärenä kürä Rusiyä pandemiya arqasında kertkän Törkiyä çikäwen beterde. Rusiyä watandaşları 1 sägät’ êçendä tur şirkätläreneñ internet säxifälärenä kerep tuldı. 5 ayda bu ildän 7 million turistnıñ Törkiyägä kilüe kötelä.
“Yeni Şafak” gazetı yazğança franŝuz telendäge “Le Figaro” basmasında “Törkiyägä baru öçen 5 säbäp” isemle yazma urın aldı. Törkiyädä gizeläçäk urınnar täqdim itelgän yazmada Göbeklitepe, Bodrum, Muğla, Şakirin cämiğı, Könçığış êkspressı häm qayber mäşhür kebabçılar kürsätelde.